K Mahendranath Salethoor
ಕೆ ಮಹೇಂದ್ರನಾಥ್ ಸಾಲೆತ್ತೂರ್
ತುಳು ಸಾಹಿತ್ಯ ರತ್ನ, ಜೋಗಿ ಸಾಹಿತ್ಯ ಶ್ರೀ ಪ್ರಶಸ್ತಿ ಪುರಸ್ಕೃತೆರ್. ತುಳು - ಕನ್ನಡ ಕವಿ, ಸಾಹಿತಿ, ವಾಗ್ಮಿ, ವಿಮರ್ಶಕೆರ್.
Recent Posts:
- ಅಡ್ಡೂರ ದೇಬೆ, ಕುತ್ತಿಪುನ್ಕೆ ಉಳ್ಳೇರಗುತ್ತು - ಪಾರ್ದನ
- ತುಳುವೆರೆ ಮರಣಡು ಬೊಜ್ಜದ ಕ್ರಮ
- ದೀಪದೆಣ್ಣೆ
- ಬೈದ್ಯರು ಮತ್ತು ತುಳುನಾಡ ದೈವಗಳು
- ಕೋಟಿ ಚೆನ್ನಯರು ಮತ್ತು ಅವರ ಕುಟುಂಬ ದೈವಗಳ ವಿಷಯದಲ್ಲಿರುವ ಗೊಂದಲ
- ಎಣ್ಮೂರ ಕ್ರಮದಲ್ಲಿ ಆಗುತ್ತಿರುವ ಬೈದೇರುಗಳ ನೇಮ
ಪುದರ್ ಬದಲ್ನ ತುಳುನಾಡ ದೈವೊಲು
ತುಳುನಾಡಿನಿ ಮಾತೆರೆಗ್ಲಾ ಪ್ರಯೋಗ ಶಾಲೆ ಆದ್ ಪೋಂಡ್ . ನಮ್ಮ ತುಳುನಾಡ್ದ ಊರುಲು ಕನ್ನಡದ ಮರ್ಲ್ಡ್ ಮಾಯಕಾದ್ ಪೋಯ. ಅಂಚನೆ ಪೊಪ್ಪ ಅಪ್ಪೆ ಇಂಚಿಪ್ಪಿ ನರಮಾನಿ ಸಮ್ಮಂದೊಲು ಪರೆಂಗಿ ಬಾಸೆದ ಮರ್ಲ್ಡ್ ಮಾಜೊಂದು ಪೋಯ . ಅಂಚನೆ ಇನಿ ದೇವಾಲ್ಯ ಸಂಸ್ಕೃತಿದ ಪುರೋಹಿತಶಾಹಿಲ್ನ ಕೈಕ್ ನಮ್ಮ ದೈವಲ್ಯೊಲು ತಿಕ್ದ್ ದೇವಾಲ್ಯೊಡು ದಾಲ ಲಾಭ ದಾಂತೆ ಪೋನಗ ಅಕ್ಲೆ ಕಣ್ಣ್ ತುಳುನಾಡ ದೈವೊಲ್ಯದ ಮಿತ್ತ್ ಬೂರ್ನ್ಡ್ . ಬರಡ್ ಪಂಡ್ ದ್ ಮನಿಪಂದೆ ಕುಲ್ಯ . ಅಕ್ಲ್ ಮನಿಪಂದೆ ಕುಲ್ಜೆರ್ . ನಮ್ಮ ದೈವೊಲ್ನ ಪುದರ್ನ್ ಮೆಲ್ಲ ಮೆಲ್ಲ ನಂಕ್ ತೆರಿಯಂದಿಲೆಕ ಬದಲ್ ತೊಂದು ಪೋಯೆರ್. ದೈವೊಗು
ಸಂಧಿ ಪಾರ್ದನದಬದಲ್ ಇಜ್ಜಾನ್ ದಿಪುರಾಣಕಟ್ಟ್ದ್ ಕೊರ್ಯೆರ್ . ಜನೊಕ್ಲು ಮೋಸ ತೆರಿಯಂದೆ ನಂಬಿಯೆರ್ . ತೆರಿನ ಕಟ್ಟುನ ಚಾಕಿರಿದಕ್ಲ್ ಪ್ರಶ್ನೆ ಮಲ್ಪಂದೆ ಕುಲ್ಯೆರ್ . ಇಂಚನೇ ಅವೊಂದು ಪೋಂಡ ನನೊಂಜಾತ್ ವರ್ಸೊಡು ದೈವಲ್ಯೊಲು ಮಾಯಕಾದ್ಮದ್ವಾಚಾರ್ರೆನಕಾಲೋಡಾಯಿಲೆಕಾವು . ಅಂಚಾದ್ ಪುದರ್ ಮಾಯಕಾಯಿನ ತುಳುನಾಡ ದೈವೊಲ್ನ ಮೂಲ ಪುದರ್ನ್ ದುಂಬುದ ಒರಿಸಿರಿಕ್ ಒರಿತೊನೊಡಾಯಿನ ಅನಿವಾರ್ಯತೆ ನಮಕುಂಡು .
ಪುದರ್ ಬದಲ್ನ ದೈವೊಲು
| ತುಳು | ಕನ್ನಡ | ಸಂಸ್ಕೃತ | |
|---|---|---|---|
| 1 | ಕಂಬೆರ್ಲು | ಕಂಬಿಗಾರ | - |
| 2 | ಜೋಡು ಗುಳಿಗೆ | - | ಗುಳಿಗ ದ್ವಯ |
| 3 | ಜಾರಂದಾಯ | ಜಾರಂತಾಯ /ಜಾರಂತಾಯಿ /ಮುನಿತ್ತಾಯೆ /ಸತ್ಯನಾಥೆ | - |
| 4 | ಕೊಡಮಂದಾಯ | ಕೊಡಮಣಿತ್ತಾಯಿ /ಕೊಡಮಣಿತ್ತಾಯ | ಕುಂಭ ಕಂಟಿನಿ |
| 5 | ಬೈದೆರ್ಲು | ಬ್ರಹ್ಮ ಬೈದರ್ಕುಳು | - |
| 6 | ರಾವು /ರಾಪು ಗುಳಿಗೆ | ರಾಹು ಗುಳಿಗ | - |
| 7 | ಗುಳಿಗೆ /ಗುಳಿಗಜ್ಜೆ | ಗುಳಿಗೇಶ್ವರ | ಗುಳಿಗಾಖ್ಯ |
| 8 | ಬೆರ್ಮೆರ್ | ಬ್ರಹ್ಮ | - |
| 9 | ಸಂಕಲೆ ಗುಳಿಗ | ಸಂಕೋಲೆ ಗುಳಿಗ | - |
| 10 | ಕಲ್ಲುರ್ಟಿ | - | ಕಲ್ಲುರ್ಟೀಶ್ವರಿ/ಪಾಷಾಣ ಮೂರ್ತಿ |
| 11 | ಪಂಜುರ್ಲಿ | - | ವರಾಹ ಮೂರ್ತಿ |
| 12 | ಲೆಕ್ಕೆಸಿರಿ | ರಕ್ತೇಶ್ವರಿ | - |
| 13 | ಜುಮಾದಿ | ಧೂಮಾದಿ | ಧೂಮಾವತಿ |
| 14 | ಅರಸು ಮೂಡದಾಯೆ | ಅರಸು ಮುಂಡತ್ತಾಯ | - |
| 15 | ಮುಗ್ಗೆರ್ಲು | ಬ್ರಹ್ಮ ಮುಗ್ಗೆರ್ಕುಲು | - |
| 16 | ಮೈಸಂದಾಯ | ಮಹಿಷಂದಾಯ/ನಂದಿಗೋಣ | ಮಹಿಷಂತಾಯಿ /ಮಹಿಶಾಸುರ |
| 17 | ಕಾಳಾತ್ರಿ | - | ಕುಂಭೋದರಿ ದೇವಿ |
| 18 | ಕುಕ್ಕಿನಂದಾಯ | ಕುಕ್ಕಿನಂತಾಯಿ | - |
| 19 | ಜುಮ್ರ ಜುಮಾದಿ | - | ಧೂಮ್ರ ಧೂಮಾವತಿ |
| 20 | ಅಣ್ಣಪ್ಪೆ | ಅಣ್ಣಪ್ಪ ಸ್ವಾಮಿ | - |
| 21 | ಚವುನ್ಡಿ | ಚಾಮುಂಡಿ | ಚಾಮುಂಡೇಶ್ವರಿ |
| 22 | ಹಿರಿಯಾಯೆ /ಹಿರಿಯಾಯಜ್ಜೆ | - | - |
| 23 | ಮಲರಾಯೆ/ಮಲೆರಾಯೆ /ಮಲ್ರಾಯೆ | ಮಲರಾಯಿ /ಮಹಾಮಲರಾಯೆ | ವಾರಾಹಿ |
| 24 | ಮಾಯಂದಾಲ್ | ಮಾಣಿಬಾಲೆ | ಮಹಮ್ಮಾಯಿ |
| 25 | ಕನಪಡಿದಾಯೆ | ಕನಪಡಿದಾಯೇಶ್ವರಿ | - |
| 26 | ಪಿಲ್ಚಂಡಿ | ಹುಲಿ ಚಾಮುಂಡಿ | ವ್ಯಾಘ್ರ ಚಾಮುಂಡಿ /ಡೇಶ್ವರಿ |
| 27 | ವರ್ತೆ | ವರ್ತಾಡಿ | - |
| 28 | ಸತ್ಯ ಜಾವದೆ /ದೇವತೆ | ಸತ್ಯಧರ್ಮ ದೇವತೆ | - |
| 29 | ಬಬ್ಬು | ಭಗವಾನ್ ಬಬ್ಬುಸ್ವಾಮಿ,ಶ್ರೀ ನೀಲಕಂಠ ಮಹಾ ಬಬ್ಬು ಸ್ವಾಮಿ | - |
| 30 | ಕೊರಗ ತನಿಯೆ /ಕೊರಗಜ್ಜೆ | ಸ್ವಾಮಿ ಕೊರಗಜ್ಜೆ | - |
| 31 | ಅಬ್ಬಗ ದಾರಗ | - | ಅರ್ಭಕ ಧಾರಕೇಶ್ವರಿ |
| 32 | ಪೊಸ ಬೂತ | ಹೊಸಮ್ಮ/ಹೊಸಳಿಗಮ್ಮ | - |
| 33 | ದುಗ್ಗಲಾಯೆ | ದುರ್ಗಲಾಯ /ದುರ್ಗಿಲಾಯ | - |
| 34 | ಉಲ್ಲಾಲ್ದಿ | ಉಲ್ಲಾಲ್ದಿ ಅಮ್ಮನವರು/ಉಳ್ಳಾಲ್ದಿ ದೇವಿ | ದುರ್ಗಾಪರಮೇಶ್ವರಿ ಉಳ್ಳಾಲ್ದಿ |
| 35 | ಉಲ್ಲಾಯೆ/ಉಳ್ಳಾಕ್ಲು | ದಯ್ಯೊಂಗುಲು /ನಡಿಯಂಗಲ್ | - |
| 36 | ಕುರಿಯಾಡಿದಾಯೆ /ಕುರಿಯಾಡಿದಾರ್ | ಕುರಿಯಾಡಿತ್ತಾಯಿ | - |
| 37 | ಪಿಲಿಬೂತ | ಹುಲಿಭೂತ | - |
| 38 | ಮಂತ್ರಜಾವದೆ | ಮಂತ್ರದೇವತೆ | - |
| 39 | ಓಡಿಲ್ದಾಯೆ | ಓಡಿಲ್ತಾಯೆ | - |
| 40 | ಕಡಂಬಿಲ್ದಾಯೆ | ಕಡಂಬಿಲ್ತಾಯಿ | - |
| 41 | ಮಲ್ಯೋಡಿದಾಯೆ | ಮಲ್ಯೋಡಿತ್ತಾಯಿ | - |
| 42 | ಮಗ್ರಂದಾಯೆ | ಮಗ್ರನ್ದಾಯಿ -ಮೃಗಂತಾಯಿ | ಮಹಾ ಘೋರ ರೂಪಿಣಿ |
| 43 | ಗಿರಾವು | ಕಿರಾತೇಶ್ವರ | - |
| 44 | ತನ್ನಿಮಾನಿಗ | ತನ್ನಿಮಾನಿಗ ದೇವಿ | - |
ತೆರಿಯೊನ್ಲೆ :-
ದುಂಬಾದ್
ಮಧ್ಯಸ್ಥೆರ್ ನಕ್ಲ್ ,ಕಟ್ಟುನಕ್ಲ್ ,ಮುಕ್ಕಾಲ್ದಿನಕ್ಲ್,ಮಾನೆಚ್ಚಿಲ್ ದಕ್ಲ್ಅಂಚನೆಚಾಕಿರಿ ವರ್ಗದಕ್ಲ್ದಯ ಮಲ್ತ್ ದ್ ದೈವದ ಸಂಧಿ ಪಾರ್ದನ ಸಂಪೊಲಿಪುಲೆ . ಅವು ಬುಡುದು ಬಾಯಿಗ್ ಬತ್ತಿಲೆಕ ಪುರಾಣೊನು ಕಟ್ಟ್ದ್ ದೈವೊಗು ಪಾರಿ ಪನ್ಪುನೆನ್ ದುಂಬು ಉಂತಾಲೆ . ಇನಿ ಆಟಿಡ್ ಕುಲೆಕ್ಲೆಗ್ ಬಲಸ್ನಗಲ ಮಧ್ಯಸ್ಥೆರೆನ್ ಲೆಪ್ಪುನ ಪರಿಸ್ಥಿತಿ ಬೈದ್ ನ್ಡ್ .
ತುಳುವ ರಾಯ / ದಾಯ /ದಾಯೆ ಪಂಡ ಅರ್ಥ ಉಂಡು .ದಾಯೆ ಪಂಡ ಅಕುಲು ತುಳುನಾಡ ಬೇತೆ ಬೇತೆ ಜಾಗೆಗ್ ಬತ್ತ್ ನ ಸತ್ಯೋಲು . ಉದಾರ್ಮೆಗ್ -ಮಲಾರ+ರಾಯ=ಮಲರಾಯ. ಮಲಾರ್ದ ಆಯೆಮಲರಾಯೆ.ಕೊಡಮಣ್ಣ್ಗ್ ಬತ್ತ್ ನಾಯ =ಕೊಡಮಂದಾಯ.ಕುರಿಯಾಡಿಗ್ಬತ್ತ್ ನಾಯೆ ಕುರಿಯಾಡಿದ ಆಯೆ =ಕುರಿಯಾಡಿದಾಯೆ. ಕನ್ನಡದ ತಾಯಿ ಪಂಡ ಅರ್ಥ ಉಂಡು .ಆಂಡ ತುಳುವ ಮಣ್ಣ್ ಡ್ ಉದಿತಿ ತುಳುನಾಡ ಸತ್ಯೋಲೆಗ್ ಕನ್ನಡದ ತಾಯಿ ಅಗತ್ಯ ಇಜ್ಜಿ . ಮೂಡದಾಯೆಮುಂಡತ್ತಾಯೆಆಯೆ . ತ್ತಾಯ /ತ್ತಾಯಿ ಪಂಡ ಅರ್ಥ ಇಜ್ಜಿ .ಆಂಡ ನಮಕ್ ನಮ್ಮ ಊರ್ದ ಬಲ್ಯಾಯನಕ್ಲ್ ಬೋಡ್ಚಿ . …ತ್ತಾಯ ಬರ್ಪುನ ಕೇರಳದ ತಂತ್ರಿನಕ್ಲೆ ಬೋಡು . ಅಕ್ಲ್ ದೈವೊಗುಅಷ್ಟಮಂಗಳಪ್ರಶ್ನೆ ದೀದ್ಬ್ರಹ್ಮಕಲಶಮಲ್ತ್ ದ್ ಲಕ್ಷ ಲಕ್ಷ ಕರ್ಚಿ ಮಲ್ಪಾದ್ ತನ್ನ ಪುದರ್ದ ಸುರುತ ತ್ತಾಯ ನ್ ದೈವದ ಪುದರ್ದ ಕಡೆಕ್ ದೀಯೆರ್ .ಅಂಚನೆ ಮಣ್ಣ್ ದ ಮಡತ್ತಾನದಸರ್ಪಕೋಲನಂಕ್ ಬೋಡ್ಚಿ . ನಮ್ಮ ತೋಟದ ಸಾರ ಸಾರ ಪಾಳೆ ಪಿಂಗಾರೊನು ನೀರ್ಡ್ ಮುರ್ಕಾದ್ ಮುಸುಂಟುಗು ಉರ್ದುದು ಹಾಳ್ ಮಲ್ಪುನ ಲಕ್ಷಕಟ್ಲೆ ಕಾಸ್ ಹಾಳ್ ಮಲ್ಪುನನಾಗಮಂಡಲಬೋಡು .
ತುಳುನಾಡ ಕೆಲವು ದೈವೊಲೆನ್ ಅಜ್ಜೆರ್ ಮಲ್ತ್ ಬುಡಿಯೆರ್ . ಕೊರಗ ತನಿಯೆ
ಕೊರಗಜ್ಜೆಆಂಡ ಹಿರಿಯಾಯೆಹಿರಿಯಾಯಜ್ಜೆಆಯೆ . ಇನಿ ಗುಳಿಗನ್ಲ ಅಜ್ಜೆರ್ ಮಲ್ತ್ದ್ಗುಳಿಗಜ್ಜೆಪಂಡೆರ್ .ಗುಳಿಗನ್ ಆಟೊಡುಗುಳಿಗಾಖ್ಯೆಪಂಡ ರಕ್ಕಸೆ ಮಲ್ದೆರ್ . ಬನೋಟು ಬಳಸೊಂತ್ನ ಗುಳಿಗಗ್ ಕೋಲ ಕಟ್ಟ ದ್ ಕೋರಿ ಆಗ್ಯೆರೆ ಕೊರ್ಯೆರ್ . ಕೊಡಂಗಾಯಿಡ್ದಯ್ಯೊಂಗುಲು,ಕಣಂದೂರುಡು ತೋಡಕುಕ್ಕಿನಾರೆನ್ಅಜ್ಜೆರ್ ಪಂಡೆರ್ . ಕೊರಗತನಿಯನ್ ಈಸರನಂಶ ಪಂಡ್ದ್ ಕತೆ ಕಟ್ಯೆರ್ .
ಕಾಯೆರ್ದ ಮರತಡಿಟ್ ಕಲ್ಲ್ ಪಾಡ್ದ್ ಕೋರಿ ಕೊಯ್ಯೊನ್ತ್ ನಲೆಕ್ಕೆಸಿರಿಇನಿ ಆಟದ ಮೇಳದ ರಕ್ತೇಶ್ವರೀಯಾಂಡ್ . ಶುಮ್ಬನ ಮಂತ್ರಿ ದೂಮ್ರಾಕ್ಷನ ವಧೆ ಮಲ್ತಿ ಧೂಮಾವತಿನ್ದ್ ತುಳುನಾಡ ಜುಮಾದಿಗ್ ಕಥೆ ಕಟ್ಯೆರ್ .
ಕೇರಳದ ಭಗವತಿ ಬೊಕ್ಕ ಜುಮಾದಿನ ಸೇರಿಗೆದ ಆರಾಧನೆ ಜುಮ್ರ ಜುಮಾದಿ .
ಕೊಡಮಂದಾಯನ್ಕುಂಭ ಕಂಟಿನಿದೇವಿ ಮಲ್ತೆರ್ . ಇನಿ ಪೊಸಭೂತ ,ಕುಮಾರೆ ನ್ದ್ ಲ ಪನೊಂದುಲ್ಲೆರ್.
ಪಾಷಾಣ ಮೂರ್ತಿ ಪಂಡ ಶಿಲೆ ಕಲ್ಲ್ ದ ಮೂರ್ತಿ .ಕಲ್ಲುರ್ಟಿಗ್ ಪಾರಿ ಪನ್ನಗ ಪಾಂಚಾಲಿ ,ದ್ರೌಪದಿ ,ಪಾರ್ವತಿ , ಲಕ್ಷ್ಮಿ ,ಸರಸ್ವತಿ ನ್ದ್ ಲ ಪನ್ಪೆರ್. ಆತೇ ಅತ್ತ್ ಇನಿ ದೈವೊಗು ಪಾರಿ ಪನ್ನಗ ಶತಪಾತಾಳ ಪನ್ಪೆರ್. ಮೊಕ್ಲೆಗೊಲ್ತು ಉಂದು ಪೂರಾ ತಿಕ್ಕುಂಡ .ದೇವೆರೆಗೆ ಗೊತ್ತು. ಆತೆನ ದೈವೊಲು ಸುಬ್ರಹ್ಮಣ್ಯೋರ್ದು ಕಾಜೂರುಗು ನೆಲಮಾಲಿಗೆಡ್ ಬರ್ಪುನಿಗೆ . ಮೊಕ್ಲೆಗ್ ದೈವೊಲೆ ಪಂಡ್ದಿಪ್ಪೊಡು .
ಮಹಾ ಮಲರಾಯ ಆರಾಧನೆ ಮಂಜೇಸರದ ಮಾಜಿ ಬೈಲ್ಡ್ ನಡಪುಂಡು . ಈ ಮಹಾ ಅಗತ್ಯ ಇಜ್ಜಿ .ಪಿಲ್ಚಂಡಿ-ಲತ್ತ್ ಬಾರ್ ತಿಂದ್ ನ ಪಿಲಿ ನೆಲ್ಲಿಯೇ ಈತ್ ರುಚಿ ಉಪ್ಪುನಗ ಅವೆನ್ ತಿನ್ಪುನ ಪೆತ್ತ ಏತ್ ರುಚಿ ಉಪ್ಪುಂದು ತಿಂರೆ ಪೋದು ಪಿಲ್ಚಂಡಿಯಾಯಿನಿ .ಸತ್ಯ ಜಾವದೆಮುಕ್ಕ ದೇವಲ್ಯೊಡು ಸತ್ಯ ಧರ್ಮ ದೇವತೆಯಾಂಡ್ .ಬೆಮ್ಮೆರ್-ವೈದಿಕ ಚತುರ್ಮುಖ ಬ್ರಹ್ಮಗ್ ಪೂಜೆ ಇಜ್ಜಿ . ಅಂಚಾದ್ ತುಳುವ ಬೆಮ್ಮೆರೆನ್ ಬ್ರಹ್ಮ ಮಲ್ತ್ದ್ ಪೂಜೆ ಸುರು ಮಲ್ತೆರ್ . ಬೆರ್ಮೆರೆನ್ ಬ್ರಹ್ಮ ಲಿಂಗೇಶ್ವರೆ ಮಲ್ತೆರ್ ,ಮಹಾಲಿಂಗೇಶ್ವರೆ ಮಲ್ತೆರ್ .ಜಾರಂದಾಯನ್ಒಂಜಿ ವರ್ಸರ್ದಿಂಚಿ ಮುನಿತ್ತಾ ಯೆ ,ಸತ್ಯನಾಥೆ ಮಲ್ತೆರ್ .ಕೋಟೆದ ಬಬ್ಬುನು /ಕೋರ್ದಬ್ಬುನುಬಬ್ಬು ಸ್ವಾಮಿ ಮಲ್ತೆರ್ .ಇತ್ತೆ ಒಡಿಪುದ ಬೈಲೂರು ಬಡಗಬೆಟ್ಟುಡು ಕೋರ್ದಬ್ಬು ದೈವೊನು ಶ್ರೀ ನೀಲಕಂಠ ಮಹಾ ಬಬ್ಬು ಸ್ವಾಮಿ ಮಲ್ದೆರ್ . ದೈವಲ್ಯೊನು ದೇವಾಲ್ಯ ಮಲ್ತೆರ್ .
ಉಲ್ಲಾಲ್ದಿ ಪಂಡ ಆಯಾ ಊರ್ದ ಯಜಮಾಂದಿ .ತನ್ನಿಮಾನಿಗನ್ ತನ್ನಿಮಾನಿಗ ದೇವಿ ಮಲ್ತೆರ್ .ಉಲ್ಲಾಯನ್ವೈಷ್ಣವೆರೆನ ವಿಷ್ಣು ಮೂರ್ತಿ ಮಲ್ತೆರ್ .ವಿಷ್ಣುಮೂರ್ತಿ ದೈವನೇ ಬೇತೆ .ವಿಷ್ಣು ಮೂರ್ತಿ ದೇವೆರೆ ಬೇತೆ . ವಿಷ್ಣುಮೂರ್ತಿ ದೈವಾರಾಧನೆಡ್ ಸಂಧಿ ಪಣಿಕ್ಕರನಕ್ಲೆಗ್ ತೆರಿಯಂದೆ ಒತ್ತೆಕೋಲ ಸುರಾನಗ ಶಾಂತಾಕಾರಮ್ ಭುಜಗ ಶಯನಂ ….ಇಂಚ ಮಂತ್ರ ಸುರು ಮಲ್ತೆರ್ಡ ಪಿರಿನಗ ಯದಾ ಯದಾಹಿ ಧರ್ಮಸ್ಯ ಗ್ಲಾನಿರ್ಭವತ ಭಾರತಃ …. ಇಂಚ ಪನ್ಪೆರ್. ಉಂದೆಕ್ ದಾದ ಪನೊಡು .
ಇತ್ತೆ ದೈವೊಲೆಗ್"ಅಷ್ಟ ಮಂಗಲ ,ಬ್ರಹ್ಮ ಕಲಶಸುರಾಂಡ್ .ಸಂಧಿ ಪಾಡ್ದನದ ದೈವೊಲೆಗ್ನಮಃನ್ದ್ ಮಂತ್ರೊಲು ಬೈದ . ಪ್ರಸನ್ನ ,ನಮಃ ನ್ದ್ ಲೆಪ್ಪೋಲೆಡ್ ಪಾಡ್ರೆ ಸುರಾತ್ ನ್ಡ್ . ದೈವೊಲೆಗ್ ತೋರಣ ,ಉಗ್ರಾಣ ಮಹೂರ್ತ ,ವಾಸ್ತು ಹೋಮ ,ವಾಸ್ತು ಪೂಜೆ ,ವಾಸ್ತು ಬಲಿ ,ರಾಕ್ಷೋಗ್ನ ಹೋಮ ,ದಿಗ್ ದೇವತಾ ಬಲಿ ,ಶುದ್ಧ ಪುಣ್ಯಾಹ ,ಸಪ್ತ ಶುದ್ದಿ ,ಗಣಪತಿ ಯಾಗ ,ಪ್ರತಿಷ್ಠಾ ಪ್ರಧಾನ ಹೋಮ ,೧೦೮ ಕಲಶಾರಾಧನೆ , ಪುನಃ ಪ್ರತಿಷ್ಠೆ ,ಪ್ರಸನ್ನ ಪೂಜೆ ,ಪಲ್ಲ ಪೂಜೆ ,ಗಜ ಕಂಬ ಪ್ರತಿಷ್ಠೆ ,ಚಪ್ಪರ ಆರೋಹಣ ,ನಾಗ ದೇವರಿಗೆ ತಂಬಿಲ ,ಬ್ರಹ್ಮರಿಗೆ ತಂಬಿಲ ,ಮೃತ್ಯುಂಜಯ ಹೋಮ ,ನವಗ್ರಹ ಶಾಂತಿ ,ದುರ್ಗಾ ಯಾಗ ,ಮಂತ್ರ ಹೋಮ ,ಸ್ವರ್ಣ ಬಿಂಬ ಅಧಿವಾಸ ,ಅಧಿವಾಸ ಹೋಮ ,ಸ್ವರ್ಣ ಬಿಂಬ ಪ್ರತಿಷ್ಠೆ ,ಕಲಶಾಭಿಷೇಕ ,ಚಂಡಿಕಾ ಯಾಗ ,ಪೂರ್ಣಾಹುತಿ ,ಮಹಾ ಪೂಜೆ ,ಪ್ರಸಾದ ವಿತರಣೆ “ ಉಂದು ಪೂರಾ ಇಲ್ಲೊಕ್ಕೆಲ್ ದೇವಾಲ್ಯದ ಪೂಜೆಲ್ ಅತ್ತ್ ,ದೈವಾಲ್ಯೊಡು ಈ ಪೂಜೆ ನಡತೊಂದಿತ್ತ್ ದ್ ದೈವಸಾನ ಒವು, ದೇವಸಾನ ಒವುಂದು ಗೊತ್ತಾವಂದಿ ಪರಿಸ್ಥಿತಿ ಬೈದ್ ನ್ಡ್.
Share this postಕೆ.ಮಹೇಂದ್ರ ನಾಥ್.ಸಾಲೆತ್ತೂರು.ಎಂ.ಎ.