Ashwin Poojari, Ulleraguttu
ಅಶ್ವಿನ್ ಪೂಜಾರಿ, ಉಳ್ಳೇರಗುತ್ತು
Recent Posts:
- ಅಡ್ಡೂರ ದೇಬೆ, ಕುತ್ತಿಪುನ್ಕೆ ಉಳ್ಳೇರಗುತ್ತು - ಪಾರ್ದನ
- ತುಳುವೆರೆ ಮರಣಡು ಬೊಜ್ಜದ ಕ್ರಮ
- ದೀಪದೆಣ್ಣೆ
- ಬೈದ್ಯರು ಮತ್ತು ತುಳುನಾಡ ದೈವಗಳು
- ಕೋಟಿ ಚೆನ್ನಯರು ಮತ್ತು ಅವರ ಕುಟುಂಬ ದೈವಗಳ ವಿಷಯದಲ್ಲಿರುವ ಗೊಂದಲ
- ಎಣ್ಮೂರ ಕ್ರಮದಲ್ಲಿ ಆಗುತ್ತಿರುವ ಬೈದೇರುಗಳ ನೇಮ
ಅಡ್ಡೂರ ದೇಬೆ - ಎಸಲ್ 1
ತುಳುನಾಡ ಇತಿಹಾಸೊಡು ಕಾರ್ನಿಕ ತೋಜಾದ್
ಕಾಯ ಬುಡುದ್ ಮಾಯಆದ್ ದೈವೊಲು ಆತಿನ ಮಸ್ತ್ ಉದಾರ್ಮೆಲು ಉಂಡು. ತುಳುನಾಡಏಳ್ವೆರ್ ಸಿರಿಕುಲೆನಕತೆಕ್ ಸಮಕಾಲೀನ ಆದ್ಅಡ್ಡೂರ ದೇಬೆನ ಕತೆ ಉಂಡು ಪಂದ್ ಎಂಕಲ್ನ ಎರಿಯಾಕ್ಲು ಪನೊಂದಿತ್ತೆರ್.ಪುರಲ್ದಲ್ಪದ ಅಡ್ಡೂರುಡು ಬಿರುವೆರೆನ ಒಂಜಿಸಾನದ ಇಲ್ಲುದುಂಬುದ ಕಾಲೊಡು ಇತ್ತುಂಡುಗೆ.ಅಡ್ಡೂರ ದೇರು ಬೈದ್ಯೆರ್ ಉಂದು ಗುತ್ತುದ ಗುರ್ಕಾರೆ ಆದಿತ್ತೆರ್. ಅಡ್ಡೂರ ದೇರು ಬೈದ್ಯೆರ ತಂಗಡಿದೇಬೆ. ದೇರು ಬೈದ್ಯೆರೆಗ್ಮಿರೆ ದುಗ್ಗು,ತೆಪ್ಪೆಪುದರ್ ದ ತಂಗಡಿಯಲ್ಲುಲ ಇತ್ತೆರ್ ಪನ್ಪೆರ್, ಆಂಡಆಜಿ ಜನ ತಗೆಲ್ಲೆಗ್ ಒರ್ತಿ ತಂಗಡಿ ದೇಬೆಪನ್ಪಿನ ಉಲ್ಲೇಖ ಪಾರ್ದನೊಡು ಉಂಡು. ಮೊಕಲ್ನ ಕತೆ ಮಾತ್ರ ನನಲಾ ಎಂಕಲೆಗ್ ತಿಕ್ಕಿದಿಜಿ. ಅಡ್ಡೂರ ದೇರು ಬೈದ್ಯನ ಸಾನದ ಇಲ್ಲ್ ಆ ಕಾಲೊಡು ಪುರಲ್ ದಒಂಜನೇ ಲೆಪ್ಪುದ ಇಲ್ಲ್ ಆದಿತ್ತುಂಡುಗೆ.ಜುಮಾದಿಅಲ್ತ ಅಧಿಕಾರ ದೈವ. ಅಲ್ಪ ಗರೋಡಿಲಾ ಇತ್ತುಂಡು ಪಂದ್ ಕೆಲವೆರ್ನ ಅಭಿಪ್ರಾಯ. ಉಂದು ಬರವುಡು ಎಂಕುಲು ಕಾರ್ನಾಡುಉಳ್ಳೇರಗುತ್ತು ಕುತ್ತಿಪುನ್ಕೆ (ಪುಣ್ಕೆದಡಿ ಬರ್ಕೆ/ಪುಲಿಮರ ಬರ್ಕೆ)ಬೊಕಕಾರ್ನಾಡು ದರ್ಮಸಾನೊಗ್ ಸಮ್ಮಂದ ಇತ್ತಿನ ಕತೆನ್ ತೆರಿಪಾವ.ಅಡ್ಡೂರುಬೊಕತಾರಬರಿ ಕೆಂಜಾರ್ಬಜ್ಪೆದ ಕತೆನ್ ನನ ದುಂಬುದ ಬರವುಡು ತೆರಿಪಾವ.ಅಡ್ಡೂರ ದೇಬೆ - ದರ್ಮಸಾನ; ಚಿತ್ರಕೃಪೆ - ಅನೂಪ್ ಸೂರಿಂಜೆ
ಮುಲ್ಕಿ ಕಾರ್ನಾಡು ಕಕ್ಕೆಬೊಟ್ಟುಪುಣ್ಕೆದಡಿ ಬರ್ಕೆ/ಪುಲಿಮರ ಬರ್ಕೆಡ್ (ಇತ್ತೆದ ಕಾರ್ನಾಡುಉಳ್ಳೇರಗುತ್ತು ಕುತ್ತಿಪುನ್ಕೆಡ್) ಜುಮಾದಿನ ಚಾಕಿರಿ ಮಲ್ತೊಂದು ಇತ್ತಿನಸಿದ್ದು ಕುಂದಾಯಪನ್ಪಿನರೆಗ್ ಅಡ್ಡೂರ ಸಾನದ ಇಲ್ಲದ ದೇರು ಬೈದ್ಯನ ತಂಗಡಿದೇಬೆಪನ್ಪಿನ ಎಲ್ಯ ಪ್ರಾಯದ ಪೊಣ್ಣನ್ ಮದಿಮೆ ಮಲ್ತ್ ಕೊರ್ಪಿನಿ ಪಂದ್ ಆನ ನಿಚ್ಚಯ ಮಲ್ಪುವೆರ್. ಏಳ್ ಏಳರೆ ಪ್ರಾಯದ ಪೊಣ್ಣು ಪಂದ್ ಪಾರ್ದನೊಡು ಉಲ್ಲೇಖ ಉಂಡು.
ಪುಣ್ಕೆದಡಿ ಬರ್ಕೆಗ್
ದೇಬೆನ ದಿಬ್ಬಣಬತ್ತುದ್ ದೊಂಪ ಪೊಗ್ಗುವೆರ್.ದಾರೆ ದುಂಬಾ ಅತ್ತ್ ಒಣಸ್ ದುಂಬಾಪಂದ್ ದಿಬ್ಬಣೆರೆಡ ಕೇನ್ನಗದಾರೆ ದುಂಬು ಆವೊಡು, ಐರ್ದ್ ಬೊಕ್ಕ ಒಣಸ್ಪಂದ್ ಪನ್ಪೆರ್. ಕಂಚಿ ತುಂಬ ಪಣವು ಪಾಡುವೆರ್, ಮುಂಡ ತುಂಬ ದೇಸ ಪಾಡುವೆರ್. ದಾರೆ ಆದ್, ದಾರೆರ್ದ್ ಲಕ್ಕಾದ್ ಕಡೆಕ್ ದೊಂಪೊನು ಜಪುಡಾವೆರ್.ಅಡ್ಡೂರ ದೇಬೆ - ಉಳ್ಳೇರಗುತ್ತು ಕುತ್ತಿಪುನ್ಕೆ
ಎಲ್ಯ ಪ್ರಾಯದ ತಂಗಡಿಪೊಣ್ಣು ಪೊರ್ಲುಡು ಇಜ್ಜಲ್, ತರೆ ತೂಂಡ ತರೆ ಇಜ್ಜಿ, ಮೈ ತೂಂಡ ಮೈ ಇಜ್ಜಿ. ಆಲ್ ಪೊರ್ಲುದ ಚಂದ ಬೊಮ್ಮ ಲೆಕಲಾ ಇಜ್ಜಲ್ಪಂದ್ಆಲ್ ಪೊರ್ಲು ಆದ್, ಪೊಣ್ಣು ಪೋದು ಪೊಜೊವು ಆಯಲ್ಡ, ಪೆರಿಯ ಬಜಪೆದ ಉಲ್ಲಾಯಗ್ಬಂಗಾರ್ ದ ಬಾಲೆ, ಬೊಳ್ಳಿದ ತೊಟಿಲ್ಪರಕೆನ್ ಆಜಿ ಜನ ತಗೆಲ್ಲು ಪತ್ತು ಬಿರೆಲ್ ಒಪ್ಪ ಪತ್ತುದ್ ಪನ್ಪೆರ್. ಪೆರಿಯ ಬಜಪೆ ಪಂಡ ಇತ್ತೆದ ಬಜ್ಪೆದಪೆರಾರಆದಿಪ್ಪೊಡು ಪಂದ್ ಕೆಲವೆರ್ ಪಂಡೆರ್ಡ, ಬೊಕ ಕೆಲವೆರ್ ಬಜಪೆಡ್ ಇತ್ತಿನ ಒಂಜಿಸ್ವಯಂಭೂ ಲಿಂಗದ ದೇವಸ್ಥಾನಆದಿಪ್ಪೊಡು ಪಂದ್ ಪನ್ಪೆರ್. ಈ ಶಿವ ತಾನ ದುಂಬುದ ಕಾಲೊಡುಬೆರ್ಮೆರೆ ತಾನಆದಿಪ್ಪೆರೆ ಯಾವು. ಮದಿಮೆದ ಸಮ್ಮಂದ ಆತಿನ ತೂನಗ ಆ ಕಾಲೊಡು ಮಸ್ತ್ ದೂರದ ಸಮ್ಮಂದ ಆವೊಂದಿತ್ತುಂಡು ಪಂದ್ ತೆರಿಯುಂಡು. ಪರಕೆ ಪಂಡಿನ ವಸ್ತುಲೆನ್ ತೂನಗ ಆ ಕಾಲೊಡು ಬಿರುವೆರ್ನ ಸ್ಥಾನ ಮಾನ ಬೊಕ ಸಂಪತ್ತುನು ತೆರಿಯೊನೊಲಿ. ದುಂಬುದ ಕಾಲೊಡು ಬಿರುವೆರ್ಸೈನಿಕೆರಾದ್,ಸೇನಾ ನಾಯಕೆರಾದ್, ರಾಜೆರೆಗ್ವೈದ್ಯೆರಾದ್ ಬಾರೀ ಮಾನಾದಿಗೆಡ್ ಇತ್ತೆರ್.ಕ್ರಿ. ಶ. 1607ಇಸವಿಡ್ ಜೈನೆರೆನ ಆಳ್ವಿಕೆ ಪತನ ಆಯಿ ಬೊಕ್ಕ ಬಿರುವೆರ್ ಅಕಲ್ನ ತಾನಮಾನೊಲೆನ್ ಕಳೆವೊನ್ಯೆರ್ ಪಂದ್ ತೆರಿದಿನಕುಲು ಬರೆತೆರ್.
-More details : ತುಳುನಾಡ ಬೆರ್ಮೆರ್ ಓಲುಲ್ಲೆರ್?ಅಡ್ಡೂರ ದೇಬೆ - ಉಳ್ಳೇರಗುತ್ತು ಕುತ್ತಿಪುನ್ಕೆ
ಪರಕೆ ಪಂಡಿ ಬೊಕ್ಕ ದಿನೊರ್ದ್ ದಿನ ದೇಬೆಪೊರ್ಲ ಪೊಲ ಚಂದಬಾಮಲೆಕ ಆವೊಂದು ಬರ್ಪಲ್.ತರೆ ತೂನಗ ತರೆ ಬರ್ಪುಂಡು, ಮಿರೆ ತೂನಗ ಮಿರೆ ಬರ್ಪುಂಡು.ಮೈತ ಕಟ್ಟುಲು ಬರ್ಪುಂಡು, ಕೈತ ಪೊಟ್ಟೆಲಾ ಬರ್ಪುಂಡು. ಆತ್ ಸಮಯೊಡು ಆಜಿ ಜನ ತಗೆಲ್ಲುಓಯೆ ದೇಬೆ, ಓಯೆ ದೇಬೆಪಂದ್ ಲೆತ್ತುದ್,ನೀರ್ ಡ್ ಜಳಕ ಆಲ ದೇಬೆ, ಐತ ಸಿಂಗಾರ ಆಲ ದೇಬೆ, ಪರಕೆ ಕೊನೊದು ಪೆರಿಯ ಬಜಪೆಗು ನನ ಪೋವೊಡು.ಪನ್ಪೆರ್. ದೇಬೆ ಮೀದ್ ಜಳಕ ಆದ್,ಮದ್ಮಲ್ ಐತಆಪಲ್.ಪಟ್ಟೆ ಸೀರೆತುತ್ತುವಲ್, ಮುಂಡೊಗುಗಿಂಡಿ ಕುಂಕುಮಪಾಡುವಲ್, ಕಣ್ಣುಗುಕೋಲುಮೈಒಯ್ಪುವಲ್.ಸೊಂಟೊಗು ಪಟ್ಟಿದೀಪಲ್, ಕೈಟ್ಗೆಜ್ಜೆತ್ತಿಪತೊನುವಲ್. ದುಂಬುಡ್ ಪಿರವುಡು ತಗೆಲ್ಲು, ನಡುಟು ದೇಬೆ ಬಂಗಾರ ಬಾಲೆ, ಬೊಳ್ಳಿದ ತೊಟಿಲ್, ಪಾಲೆ ಪಿಂಗಾರ, ಪುಂಡಿ ಪಣವು ಪರಕೆ ಪತೊಂದು ಪೆರಿಯ ಬಜಪೆಗ್ ಪೋಪೆರ್. ಅವ್ಲು ಕೆರೆ ತೂಪೆರ್.ಕೆರೆ ತೂದು ಜಪ್ಪುವಲ್, ಮುಕ್ಕೊಲು ನೆಗತುದ್ ಮುಕ್ಕೊಲು ಮಿತ್ತ್ ಬರ್ಪಲ್ ದೇಬೆ. ಪರಕೆ ಪತೊಂದು ಅಂಗಣದ ಮಿತ್ತ್ ಬರ್ಪಲ್. ಅಂಗಣ ಜತ್ತುದು, ಉಲ್ಲಾಯಗ್ ಮೂಜಿ ಸುತ್ತುದ ಬಲಿ ಬರ್ಪಲ್.ಓಯೆ ಉಲ್ಲಾಯ, ಓಯೆನೆ ಉಲ್ಲಾಯ, ಪರಕೆ ದೆತೊನುಲೆ, ಪುರ್ಸದ ಕೊರ್ಲೆ. ಯೆಜ ಪೋಪುಂಡು, ಕಾಲನೆ ಕಡೆಸುಂಡುಪನ್ಪಲ್. ಉಲ್ಲಾಯಗ್ ದೇಬೆನ ಕೈತ ಪೊಟ್ಟೆದ ಪೊರ್ಲು ತೂದು ಮಗ್ಗಿನ ಮರ್ಲ್ ಆಪುಂಡು. ಉಲ್ಲಾಯೆಸಕನದ ಪಟ್ಟಿ(ಬೂಲ್ಯ/ಬಚ್ಚಿರೆ/ಗಂಧ)ಪಾರಾದ್ ಆಜಿ ಜನ ತಗೆಲ್ಲೆನ್ ಮಾಯ ರೂಪ ಮಲ್ಪುವೆರ್.
ಆಜಿ ಜನ ತಗೆಲ್ಲೆನ್ ಉಲ್ಲಾಯೆ ಮಾಯ ಮಲ್ತೆರ್ಡ, ದೇರುಬೈದ್ಯಗ್ ದಾದ ಆಪುಂಡು ಪನ್ಪಿನ ಪ್ರಶ್ನೆ ಮೂಲು ನಮಕ್ ಬರ್ಪುಂಡು. ಉಂದು ಮತ ಆಯಿ ಬೊಕ್ಕ ದೇರುಬೈದ್ಯೆ ಅಡ್ಡೂರುಡು ಉಪ್ಪುನ ಉಲ್ಲೇಖ ಬೇತೆ ಪಾರ್ದನೊಡು ಉಂಡು. ಅಪಂಡ ದೇರುಬೈದ್ಯೆ ದೇಬೆನ ಕಾಶ ತಗೆ ಅತ್ತ ಪನ್ಪಿನ ಸಂಶಯ ಬರ್ಪುಂಡು. ಮಾಯ ಮಲ್ತೆರ್ ಪಂಡ ಅಲ್ತುರ್ದ್ ಬೇತೆ ಕಡೆಕ್ ಅಕಲೆನ್ ಮಾಯೊಡು ಕೊನೊಯೆರ್ ಪಂದ್ಲಾ ನಮ ಅರ್ಥ ಮಲ್ತೊನೊಲಿ. ದೇರುಬೈದ್ಯೆ ಬೊಕ ದೇಬೆ ಇರ್ವೆರ್ಲಾ ಅಮರ್ ಜೋಕುಲ್ ಪಂದ್ ಕೆಲವೆರ್ ಪನ್ಪೆರ್. ದೇರುಬೈದಗ್24 (12 + 12) ಅರ್ವದಲ್ಲುಇತ್ತೆರ್ ಪನ್ಪಿನಲ ಒಂಜಿ ಪಾರ್ದನೊಡು ಉಂಡು. ಉಂದೆತ ಮತ ಸರಿಯಾಯಿನ ಉತ್ತರ ಎಂಕಲೆಗ್ ತಿಕುದಿಜಿ.ಅಡ್ಡೂರ ದೇಬೆ - ದರ್ಮಸಾನ ಓಯೆ ದೇಬೆ, ಓಯೆ ದೇಬೆ, ಯಾನ್ ಬರ್ಪೆ ನಿನ್ನ ಬೆರಿ ಪತೊನುದುಪಂದ್ ಉಲ್ಲಾಯೆ ಪನ್ಪೆರ್. ಐಕ್ ದೇಬೆ,ಓಯೆ ಉಲ್ಲಾಯ, ಓಯೆ ಉಲ್ಲಾಯ, ಜಾತಿಡ್ ಯಾನ್ ಬಿರುವೆದಿ ಪೊಣ್ಣು, ಎನ್ನ ಬೆರಿ ಪತೊಂದು ಬರಡೆ ಉಲ್ಲಾಯಪಂದ್ ಪನ್ಪಲ್.ಜಾತಿಗುಲ ಬೇದ ಇಜ್ಜಿಗೆ, ಮಾಟೊಗುಲ ದೋಷನೆ ಇಜ್ಜಿಗೆ, ಯಾನ್ ನಿನ್ನ ಬೆರಿ ಪತೊನುದು ಬರ್ಪೆ ದೇಬೆಪಂದ್ ಉಲ್ಲಾಯೆ ಪನ್ಪೆರ್.ಇರೆನ ಮೀಸೆದ ಕೊಡಿ ತೂದು ಯಾನ್ ಲಾ ಮಗ್ಗಿನ ಮರ್ಲ್ ಆತೆ. ಅಪ್ಪೆನ ಪಿರವುಡು ಬಾಲೆ ಬನ್ನಂಗೆ, ಪಿಜಿನ ಪಿರವುಡು ದಾರೆಲ ಬನ್ನಂಗೆ ಬಲೆ ಉಲ್ಲಾಯಪಂದ್ ದೇಬೆ ಪನ್ಪಲ್. ಅಂಚೆನೆ ಉಲ್ಲಾಯೆ ದೇಬೆನ ಪಿರವುಡು ಬರ್ಪೆರ್.ಸೇನಾಯಿ ಕೆರೆ - ದೈವೊಲು ಕುಲ್ಲುದಿನ ಕಲ್ಲುಲು
ಬನ್ನಗಕೆಂಪು ಮಣ್ಣ ಕುಬೇರ ಗೋಳಿ ಕಟ್ಟೆನ್ ತೂದು ಉಲ್ಲಾಯೆ ಒಡ್ಡು ಪಾಡುದ್ ಅಲ್ಪ ಓಲಗ ಆಪೆರ್ (ಅಲ್ಪ ಬಗ್ಗುದು ಕುಲ್ಲುವೆರ್). ಆತ್ ಪೊರ್ತುಗು ಕಾರ್ನಾಡುದ ಜಾಗೆಡ್ ಅಧಿಕಾರ ದೈವ ಆದಿತ್ತಿನಜುಮಾದಿಗ್ ಉಲ್ಲಾಯೆ ಬೈದಿನ ವಿಷಯ ತೆರಿಯುಂಡು. ಜುಮಾದಿ ಬುಡಿನಪಗರಿಬತ್ತುದ್ ಗೋಳಿದ ಮರತ ಗೆಲ್ಲುಗು ತಾಗುದ್, ಗೆಲ್ಲು ಪೊಲಿಯುಂಡು. ಅದಗ ಉಲ್ಲಾಯೆ,ಇಂಚಿನ ಆಂಕಾರ ತೋಪಾವುನಾಯೆ ಏರ್ಪಂಡುದ್ ತನ್ನ ಬಿರು ಪಗರಿನ್ ಬುಡ್ಪೆರ್. ಉಲ್ಲಾಯೆ ಬುಡಿನ ಪಗರಿ ಉಳ್ಳೇರಗುತ್ತು ಕುತ್ತಿಪುನ್ಕೆದ ಮುದೆಲ್ಗ್ ಬತ್ತುದ್ ಬೂರುಂಡು. ಅಲ್ತುರ್ದು ಸೇನಾಯಿ ಕೆರೆತಡೆ ಬರ್ಪೆರ್. ಸೇನಾಯಿ ಕೆರೆಟ್ಆನೆ ಒಯ್ಪಲ್ಲಕಲ್ಲುನು ತೂದು ಉಲ್ಲಾಯೆ,ಈ ಅಲ್ಪ ಓಲಗ ಆಲ, ಯಾನ್ ನೆಟೆ ಓಲಗ ಆಪೆಪಂದ್ ಉಲ್ಲಾಯೆ ಪನ್ಪೆರ್. ಉಲ್ಲಾಕಲ್ಲುಡೆ ದೇಬೆ ಒಡ್ಡು ಪಾಡುದ್ ಓಲಗ ಆಪಲ್ (ಕುಲ್ಲುವಲ್). ಆ ಪೊರ್ತುಡು ಸೇನಾಯಿ ಕೆರೆಟ್ ಬೊಟಿನ ದಿಂಬುತಂಬಂಡ,ಕೊರಂಟಬೆಟ್ಟುಡ್ಲಾ ಬೊಟ್ಟುವೆರ್. ಅಪಗ ಉಲ್ಲಾಯೆ ಬೊಕ ಜುಮಾದಿನ ನಡುಟು ಲಡಾಯಿ ಆಪುಂಡು. ನೆತ್ತೆರ್ದ ಓಕುಳಿಯಾಪುಂಡು, ಕೆಂಪುದ ನೆತ್ತೆರ್ಸೇನಾಯಿ ಕೆರೆಟ್ ದಿಂಜಿದ್ರಾಮ ಸಮುದ್ರದ ಲೆಕ ತೋಜುಂಡು, ಅಲ್ತುರ್ದ್ ಪರತಿನ ನೀರ್ ಡ್ಗುಂಡಾಲುದ ಕೆರೆ ದಿಂಜಿದ್ ಅವ್ಲಾ ರಾಮ ಸಮುದ್ರದ ಲೆಕ ತೋಜುಂಡು. ಉಲ್ಲಾಯೆ ಸಕನದ ಪಟ್ಟಿ ಪಾರಾದ್ಉಂತಿ ಬೊಲ್ಲನ್ ಮಾಯ ರೂಪ ಮಲ್ಪುವೆರ್.ಜುಮಾದಿ ಸಾನ - ಉಳ್ಳೇರಗುತ್ತು
ಆತ್ ಪೊರ್ತುಗು ತೆನ್ಕಾಯಿ ರಾಜ್ಯೋರ್ದುಗೆಂದ ಗಿಡಿತ ಒರುಟು ಕುಬೇರ ಗೋಳಿ ಕಟ್ಟೆದಂಚಿ ರಾವೊಂದು ಬತ್ತಿನಜಾರಂದಾಯದೈವಗ್ ಕೆಂಪು ಬಣ್ಣಡ್ ರಾಮ ಸಮುದ್ರದ ಲೆಕ ಪರಪುನ ಸೇನಾಯಿ ಕಿರೆ ತೋಜುಂಡು.ದರ್ಮ ಇತ್ತಿನ ಈ ಮಣ್ಣುಡು ನೆತ್ತೆರ್ದ ಕಡಲ್ ದಾನೆ ತೋಜೊಂದುಂಡುಪಂದ್ ಆಯಿನ ವಿಷಯ ಮಾತ ತೆರಿಯೊನುದುಜಾರಂದಾಯೆಸೇನಾಯಿ ಕೆರೆತಡೆ ಬರ್ಪೆ.ಜುಮಾದಿಬೊಕಸಾರಮಾನಿ ಬೂತೊಲೆಡಉಲ್ಲಾಯಗ್ ಕಾರ್ನಾಡುಡ್ ನಿಲೆ ಆಯೆರೆ ಜಾಗೆನ್ ಕೇನುವೆ. ಪೊಣ್ಣ ಬೆರಿಯೆ ಬತ್ತಿನ ಉಲ್ಲಾಯಗ್ ಎಂಕುಲು ಎಂಕಲ್ನ ಧರ್ಮಾದಿ ಮಣ್ಣುಡ್ ಜಾಗೆನ್ ಕೊರಯ ಪಂದ್ ಜುಮಾದಿ ಪನ್ಪೆ. ಉಂದು ಮತ ಪಾತೆರಕತೆಸೇನಾಯಿ ಕೆರೆತಲ್ಪ ಆಪುಂಡು.ಮೈಸಂದಾಯ, ಜುಮಾದಿ ಬಂಟ - ಉಳ್ಳೇರಗುತ್ತು
ಸೇನಾಯಿ ಕಿರೆತಲ್ಪಬಾದ್ ಬಕ್ಕನೆ, ಪಂಚಾತಿಗೆನಡಪುಂಡು. ಪೊಣ್ಣ ಬೆರಿ ಪತೊಂದು ಬತ್ತಿನ ಉಲ್ಲಾಯಗ್ ಜಾಗೆ ಕೊರಿಯರೆಜುಮಾದಿಕೇನುಜೆ.ಎಂಕಲೆರ್ದ್ ನನ ಸಾಧ್ಯನೇ ಇಜ್ಜಿ, ನೆಕ್ಕ್ ತೀರ್ಪುನು ಉಲ್ಲಾಲ್ದಿಯೆ ಕೊರೊಡುಪಂದ್ ಪನ್ಪೆರ್. ಉಂದು ದೂರುಒರುಂಬ ಮಾಗಣೆದ ಅಪ್ಪೆ ಉಲ್ಲಾಲ್ದಿನ ಕೈತಲೆ ಪೋಪುಂಡು(ಬಪ್ಪನಾಡು). ಮೊಕುಲು ಮತ ಉಲ್ಲಾಲ್ದಿನಡೆ ಪೋಪೆರ್. ಅವ್ಲುಲ ಮೊಕುಲು ಬಾದ್ ಬಕ್ಕನೆ ಮಲ್ತೊಂದೆ ಉಪ್ಪುವೆರ್.ಪೊಣ್ಣ ಬೆರಿ ಪತೊನುದು ಬತ್ತಿನ ಉಲ್ಲಾಯಗ್ ಎಂಕುಲು ಜಾಗ ಕೊರಯಪನ್ನಗ ಉಲ್ಲಾಲ್ದಿ ಕೇನುಜೆರ್. ಉಲ್ಲಾಲ್ದಿದಡಿ ಬೊಟುದು ದರ್ಶನಬರ್ಪೆರ್. ಅರೆನ ಮೋನೆಡ್ ಕೋಪ ತೋಜುಂಡು.ದೂರೊರ್ದು ಬತ್ತಿ ಬಿನ್ನಗ್ ನಮ ಒಂಜಿ ಚೊಂಬು ನೀರ್ ಕೊರೊಡು, ಒಂಜಿರೆ ನುಪ್ಪು ಪಾಡೊಡುಪಂದ್ ಉಲ್ಲಾಲ್ದಿ ಅಪ್ಪಣೆ ಕೊರ್ಪೆರ್. ಆಂಡಲ ಮೊಕುಲು ಕೇನುಜೆರ್. ಅಪಗ ಉಲ್ಲಾಲ್ದಿಉಲ್ಲಾಯಗ್ ಜಾಗೆ ಯಾನ್ ಕೊರ್ಪೆ, ನಿಕುಲು ಉಂತುಲೆಗೆ, ಯಾನ್ ಒಂಜಿ ಗಂಧದ ಗುಲಿಗೆನ್ ಪಾರಾವೆಪಂದ್ಒಂಜಿ ಮುದ್ದೆ ಗಂಧದ ಗುಲಿಗೆನ್ ಪಾರಾದ್ ಬುಡ್ಪೆರ್. ಅವ್ ಗುಲಿಗೆ ಬತ್ತುದುಕಾರ್ನಾಡು ಧರ್ಮಾದಿ ಸಾನೊದ ಜಾಗೆಡ್ ಬತ್ತುದು ಬೂರುಂಡು. ಗುಲಿಗೆ ಬತ್ತುದು ಬೂರಿನಬಲತ್ತ ಭಾಗೊಡು ಜುಮಾದಿಗ್,ದತ್ತ ಭಾಗೊಡು ದೇಬೆಗ್ ಗುಂಡ ಆಂಡ, ಗುಲಿಗೆ ಬೂರಿನ ಜಾಗೆಡ್ಉಲ್ಲಾಯಗ್ ಗುಂಡ ಮಾಡತೆರಿದ್ ಬರ್ಪುಂಡು. ಐರ್ದ್ ಬೊಕ್ಕಉಲ್ಲಾಯೆ,ದೇಬೆ,ಜುಮಾದಿ,ಜಾರಂದಾಯೆ,ಸಾರಮಾನಿ ಬೂತೊಲುದರ್ಮಸಾನೊಡು ನಿಲೆ ಆಪೆರ್.ಕುತ್ತಿಪುನ್ಕೆದ ದೇಬೆನ ಸಾನೊರ್ದು ಪೂ, ಫಲ ವಸ್ತು ಕಾನಿಕೆ ಗೌಜಿಡ್ ಬರ್ಪಿನಿ
ಕಾರ್ನಾಡುದ ಜಾಗೆಡ್ಅಧಿಕಾರ ದೈವಆದಿತ್ತುನಜುಮಾದಿನ ಸಾನ ಇತ್ತೆಲಾಉಳ್ಳೇರಗುತ್ತುದ ಜಾಗೆಡ್ ಉಂಡು. ಉಳ್ಳೇರಗುತ್ತುದ ಬಿಲ್ಲವ ಸಾಲಿಯಾನ್ ಕುಟುಂಬದಕುಲು ಬೊಕ ಜಾಗೆಡ್ ಇತ್ತಿನಕುಲು ಸೇರುದ್ ಜುಮಾದಿನ ಸೇವೆ ಮಲ್ತೊಂದುಲ್ಲೆರ್.ಉಳ್ಳೇರಗುತ್ತು ಕುತ್ತಿಪುನ್ಕೆದ ಜಾಗೆಡ್ ದುಂಬುದ ಕಾಲೊಡು ಬೂರುದ್ ಪೋದಿತ್ತಿನ ಒಂಜಿಪುನ್ಕೆದ ಮರಇತ್ತುಂಡು. ಪೊರ್ಕಂಡೆ ಲಕ್ಕುದ್ ತಿರ್ತ್ ಬೂರುದಿತ್ತುಂಡಲಾ ಅವ್ ಚಿಗುರುದ್ ಜೀವ ಇತ್ತುಂಡ್. ದುಂಬುದ ಕಾಲೊಡು ಇತ್ತಿನ ದೇಬೆನ ಇಲ್ಲದ ಮಿತ್ತ್ ಈ ಮರ ಬೂರ್ದಿತ್ತುಂಡ್ ಪಂದ್ ಎರಿಯಾಕ್ಲು ಪನೊಂದಿತ್ತೆರ್. ಅವ್ ಜಾಗೆಡ್ ನಮಕ್ ಪಾರ್ದನೊಡು ಉಲ್ಲೇಖ ಉಪ್ಪುನಪುನ್ಕೆದಡಿ ಬರ್ಕೆದ ಇಲ್ಲ್ ಇತ್ತುದ್ ಉಪ್ಪರೆಲಾ ಯಾವ್. ಅಲ್ಪ ಜಾಗೆಡ್ ಇತ್ತೆ ಗರ್ತುಂಡಲಾ ದುಂಬುದ ಕಾಲೊದಒಡಿಲ್,ಮಣ್ಣುದ ಬಾಜನದ ತುಂಡು,ಮಣ್ಣುದ ದೀಪಇಂಚಿನ ಮತ ತೂಯೆರೆ ತಿಕ್ಕುವ. ಆ ಪುನ್ಕೆದ ಮರತ ಮುದೆಲ್ಗ್ದೀಪದೀವೊಂದಿತ್ತೆರ್. ಕೆಲವು ವರ್ಸೊರ್ದ್ ದುಂಬು ಈ ಮರನ್ ದೆತ್ತುದ್ ಅಲ್ಪ ದೇಬೆಗ್ ಒಂಜಿಸಾನಕಟ್ಟಾದೆರ್.ಕುತ್ತಿಪುನ್ಕೆಡ್ ತಿಕ್ಕುನ ಒಡಿಲ್, ಮಣ್ಣುದ ಬಾಜನದ ತುಂಡುಲು
ಕಾರ್ನಾಡುದರ್ಮಸಾನೊಡುಉಲ್ಲಾಯನ ದತ್ತ ಬರಿಟ್ದೇಬೆನ ಗುಡಿ ಉಂಡು. ಇಂಚೊಗು ದರ್ಮಾಸಾನ ಸಮಿತಿ ಬೊಕ ಊರುದಕುಲು ಸೇರುದ್ಸೇನಾಯಿ ಕೆರೆತ ಜಾಗೆನ್ ಪೊರ್ಲು ಮಲ್ದೆರ್. ಸೇನಾಯಿ ಕೆರೆಟ್ ಲಾದೇಬೆಗ್ ಒಂಜಿ ಪೊಸತ್ತ್ ಕಲ್ಲ್ ಪಾಡುದೆರ್. ನಮ್ಮ ಪಾರ್ದನ ಪ್ರಕಾರ ತೂಯೆರೆ ಪೋಂಡ, ಅಲ್ಪ ಇತ್ತಿನ ಒಂಜಿ ಕಲ್ಲುಡು ಉಲ್ಲಾಯೆ, ಕುಡೊಂಜೆಟ್ ದೇಬೆ ಕುಲ್ಲುದು ಇತ್ತೆರ್. ದರ್ಮ ಸಾನೊಡುದೇಬೆ,ಒರಿ ಉಲ್ಲಾಯೆ ಐವೆರ್ ಸತ್ಯೊಲು(ಜುಮಾದಿ, ಜಾರಂದಾಯೆ, ಕಾಂತೇರಿ ಜುಮಾದಿ, ಮರ್ಲು ಜುಮಾದಿ, ಸಾರಮಾನಿ ದೈವೊಲು)ಬೊಕಅಣ್ಣಪ್ಪ ಪಂಜುರ್ಲಿನಿಲೆ ಆತೆರ್. ದರ್ಮಸಾನೊದ ಕಾಲಾವದಿತ ನೇಮಮಾಯಿದ ಪುಣ್ಣಮೆ ಕರಿದ್ ಐನನೇ ದಿನನಡಪುಂಡು.ಮಾಗಂದಡಿ ಗೋಪಾಲ ನಾಯಗೆರ್ನ ಇಲ್ಲಾರ್ದ್ ಭಂಡಾರ ಬತ್ತುದ್ ದರ್ಮಸಾನೊಡು ಮೂಜಿ ದಿನೊತಹೋಮ ನೇಮನಡಪುಂಡು. ಸುರುತ ದಿನ ಬಯ್ಯಗ್ಉಲ್ಲಾಯಗ್ , ರಾತ್ರೆಗ್ಜುಮಾದಿ ಬಂಟಗ್, ರಡ್ಡನೆ ದಿನ ರಾತ್ರೆಗ್ಜಾರಂದಾಯ ಬಂಟಗ್, ಆನಿಯೆ ಪುಲ್ಯ ಆನಗ ಜಾರಂದಾಯನ ನೇಮ ಪಿರಿದ್ಕಾಂತೇರಿ ಜುಮಾದಿ,ಸಾರಮಾನಿ ದೈವೊಲುಬೊಕಮರ್ಲು ಜುಮಾದಿಗ್ ಕಟ್ಟ್ ಕಟ್ಲೆದ ನೇಮ ನಡಪುಂಡು. ಮೂಜನೇ ದಿನ ಪಗೆಲುಗ್ ದರ್ಮದೈವ ಆದಿತ್ತಿನಅಣ್ಣಪ್ಪ ಪಂಜುರ್ಲಿಗ್ ನೇಮ ನಡಪುಂಡು. ಉಲ್ಲಾಯನ ನೇಮ ಸುರು ಆಪಿನೆರ್ದ್ ದುಂಬು ಉಳ್ಳೇರಗುತ್ತು ಕುತ್ತಿಪುನ್ಕೆದ ದೇಬೆನ ಸಾನೊರ್ದುಪೂ,ಫಲ ವಸ್ತು ಕಾನಿಕೆನ್ ಉಳ್ಳೇರಗುತ್ತು ಕುಟುಂಬ ಬೊಕ ಊರುದಕುಲು ಸೇರುದು ದರ್ಮಸಾನೊಗು ಬಾರೀ ಗೌಜಿಡ್ ಕೊನೊಪೆರ್. ದುಂಬುದ ಕಾಲೊಡು ಉಲ್ಲಾಯನ ನೇಮೊಗುಪಡಿಯರಿಉಳ್ಳೇರಗುತ್ತುದ ದೇಬೆನ ಮಣ್ಣುರ್ದ್ ಪೋವೊಂದಿಪ್ಪೊಡು ಪಂದ್ ಕೆಲವೆರ್ನ ಅಭಿಪ್ರಾಯ. ದುಂಬುದ ಕಾಲೊಡು ಉಲ್ಲಾಯ ನೇಮ ಆಪಿನೆರ್ದ್ ದುಂಬು ದೇಬೆನ ಗುಡಿತ ಎದುರುಮರತ ಮಲ್ಲ ಮಾರಾಯಿದೀದ್, ಕಟ್ಟುನಕುಲುದೇಬೆನ ಬೀರಪನೊಂದು ಇತ್ತೆರ್ಗೆ. ಅವ್ ಬೀರ ಕೇನುನಗನೆ ಮೈ ಕೊಲ್ಚೊಂದು ಇತ್ತುಂಡ್ ಪಂದ್ ಅಲ್ಪದ ಎರಿಯಾಕ್ಲು ಪಂತೆರ್.ಬೀರಆನಗ ಬತ್ತಿನಕುಲು ಮತ ಮಾರಾಯಿಗ್ಪೂಪಾಡೊಂದು ಇತ್ತೆರ್ಗೆ. ಬೀರ ಮುಗಿನಗ ಮಾರಾಯಿ ದಿಂಜಿದ್ ಉರ್ಕರೊಂದಿತ್ತುಂಡುಗೆ.ಅಣ್ಣಪ್ಪ ಪಂಜುರ್ಲಿ - ಕಾರ್ನಾಡು ದರ್ಮಸಾನ
ದರ್ಮಸಾನೊದ ದೈವೊಲೆನ ನೇಮೊರ್ದು ದುಂಬು ಸಾನೊಗು ಸಮ್ಮಂದ ಇತ್ತಿನಅರೆಮಜಲ್ಪನ್ಪಿನ ಜಾಗೆಡ್ ಕಂಬುಲ ನಡಪುಂಡು. ಆನಿಯೇ ರಾತ್ರೆಗ್ ದೈವೊಲೆಗ್ಕಾಲಾವದಿತ ತಂಬಿಲಲಾ ನಡಪುಂಡು. ಉಂದೆನ್ ದೈವೊಲುಅರೆಮಜಲ ಕಂಬುಲ, ಪೊಸ ಬಾರೆ ತಂಬಿಲಪಂದ್ ಉಲ್ಲೇಖ ಮಲ್ಪುವ. ದುಂಬುದ ಕಾಲೊಡು ಅರೆಮಜಲ ಕಂಬುಲ ತೂಯೆರೆ ಕುಡುಮದ ತಲೊತ(ದರ್ಮಸ್ಥಳ)ಕಾವಂದೆರ್ಬತ್ತುದ್ ಇಪ್ಪುನಗ ಅರೆನ ಬೆರಿಯೆಅಣ್ಣಪ್ಪ ಪಂಜುರ್ಲಿದೈವೊಲಾ ಬತ್ತುದ್ ಮೂಲು ನಿಲೆ ಆತುಂಡು ಪಂದ್ ತೆರಿನಕುಲ್ ಪನ್ಪೆರ್. ಕುಡೊಂಜಿ ಮೂಲದ ಪ್ರಕಾರ, ದುಂಬುದ ಕಾಲೊಡುಅರೆಮಜಲ ಕಂಬುಲೊಗು ಕುಡುಮ ತಲತ (ಧರ್ಮಸ್ಥಳತ) ಕಡೆರ್ದ್ ಎರುಕುಲ್ ಬತ್ತಿಪ್ಪುವಗೆ. ಅರೆಮಜಲ ಕರೆನ್ ತೂಯಿನ ಎರುಕ್ಲೆನ ಯೆಜಮಾಂದಿ,ಉಂದು ಎಂಕಲ್ನ ಎರುಕ್ಲೆಗ್ ದಾಲ ಮಲ್ಲ ಕರೆ ಅತ್ತ್ಪಂದ್ ಆಂಕಾರದ ಪಾತೆರ ಪನ್ಪಲ್. ಆತ್ ಪೊರ್ತಾನಗ ಅಲ್ನ ಎರುಕುಲು ಮಜಟ್ಟೆ ಮಿತ್ತರರೆ ಕೇನುಜ. ಅಪಗ ಮುಲ್ತ ದೈವೊಲ್ನ ಕಾರ್ನಿಕ ತೆರಿನ ಯೆಜಮಾಂದಿ,ಎನ್ನ ಪಿರವುಡು ಅಣ್ಣಪ್ಪೆ ಬತ್ತಿತ್ತೆಡ, ಎನ್ನ ಎರುಕುಲು ಮಂಜಟ್ಟೆ ಮಿತ್ತರುವಪನ್ಪಲ್. ಅಂಚೆನೆ ಎರುಕುಲು ಮಂಜಟ್ಟೆ ಮಿತ್ತರುವ. ಐರ್ದ್ ಬೊಕ್ಕ ಅಣ್ಣಪ್ಪ ಪಂಜುರ್ಲಿ ಮೂಲು ನಿಲೆ ಆಪೆ ಪನ್ಪೆರ್. ಅಣ್ಣಪ್ಪ ಪಂಜುರ್ಲಿ ಮೂಲು ನಿಲೆ ಆಯಿ ಬೊಕ್ಕ ಉಂದು ಜಾಗೆಮೂಡಾಯಿ ಕುಡುಮ ದರ್ಮತಲ, ಪಡ್ಡಾಯಿ ದರ್ಮಸಾನಪನ್ಪಿ ಪುಗಾರ್ತೆನ್ ಪಡೆಯೊಂಡು.ಅಣ್ಣಪ್ಪ ಪಂಜುರ್ಲಿ ನೇಮ - ಕಾರ್ನಾಡು ದರ್ಮಸಾನ; ಚಿತ್ರಕೃಪೆ - ಶಿವಾರಾಮ್ ಸುವರ್ಣ
ಕಾರ್ನಾಡು ಗುತ್ತುದಬೈರು ಕೆಲ್ಲಯ್ಯ ಬಾರಗಪನ್ಪಿನರೆನ ಕನೊಟು ಅಣ್ಣಪ್ಪ ಪಂಜುರ್ಲಿ ಬತ್ತುದ್,ಕಾರ್ನಾಡು ಒಂಜಿ ಸತ್ಯ ದರ್ಮ ಇತ್ತಿನಂಚಿ ಮಣ್ಣ್, ದರ್ಮಸಾನೊಡು ಎಂಕಲೆಗ್ ಮದಿಪರೆ ಜನ ಬೋಡು. ಐಕಾದ್ ಒಂಜನೇ ಜಾಗೆ ಆದ್ ಕಾರ್ನಾಡು ಗುತ್ತು, ರಡ್ಡನೆತ್ತಾದ್ ಗುಂಡಾಲು ಗುತ್ತು, ಮೂಜನೆತ್ತಾದ್ ಚಿತ್ರಾಪು ಗರಡಿ, ನಾಲನೆತ್ತಾದ್ ಕೊರಂಟೊಟ್ಟು, ಐನನೆತ್ತಾದ್ ಮಾಗಂದಡಿ ಇಲ್ಲ್ಪಂದ್ ಪನ್ಪುಂಡು. ಇತ್ತೆ ಐನ್ ಗ್ರಾಮ, ಪದಿನಾಜಿ ಜಾಗೆದ ಅಧಿಕಾರ ದೈವೊಲಾದ್ ಕಾರ್ನಾಡು ದರ್ಮಸಾನದ ಸತ್ಯೊಲು ಮೆರೆಯೊಂದುಲ್ಲೆರ್. 8 ಶೆಟ್ರೆನಕಲ್ನ-ಕಾರ್ನಾಡು ಗುತ್ತು,ಗುಂಡಾಲು ಗುತ್ತು,ಚಿತ್ರಾಪು ಗರೊಡಿ,ಕೊರಂಟೊಟ್ಟು,ಮುರ,ಬೊಟ್ಟೆಚ್ಚಿ,ಮಿತ್ತ ಗಂದೊಟ್ಯ,ತಿರ್ತ ಗಂದೊಟ್ಯ; 8 ಪೂಜಾರ್ಲೆನ -ಮಾಗಂದಡಿ ಬಂಡಾರದ ಇಲ್ಲು,ಮಾದು ಇಲ್ಲು,ಉಳ್ಳೇರು ಸಾನ ಚಿತ್ರಾಪು,ಸಾನದ ಇಲ್ಲು ಚಿತ್ರಾಪು,ಬೀದಿ ಸಾನ,ಪೊಸ ಒಕ್ಕೆಲ್ ಕಾರ್ನಾಡು,ಪಯ್ಯೊಟ್ಟು,ಪೂ ಪೂಜನೆದ ಪೂಜಾರಿ. ಗುಂಡಾಲುದ ಕೈತಲ್ ಉಪ್ಪುನಬೈಲ ಗುತ್ತುದ ಮರ್ಯಾದಿ ಕಾಲ ಕ್ರಮೇಣ ಪಯ್ಯೊಟ್ಟುಗು ಕೊರ್ತೆರ್ ಪಂದ್ ಪನ್ಪೆರ್. ದರ್ಮಸಾನದ ಬಂಡಾರಮಾಗಂದಡಿಟ್ ಇತ್ತುದು,ಉಳ್ಳೇರಗುತ್ತುದ ಮಣ್ಣುಗು ಅವ್ಲು ದಾಯೆಗ್ ಇತ್ತೆ ಮರ್ಯಾದಿದ ಲೆಪ್ಪು ಇಜ್ಜಿ ಪಂದ್ ತೆರಿಯುಜಿ. ದಾದನ ಸಮಸ್ಯೆ ಇತ್ತಿನೆಕ್ ಉಳ್ಳೇರಗುತ್ತುದ ಲೆಪ್ಪುನುಪೂ ಪೂಜನೆದ ಪೂಜಾರಿಲೆಗ್ ಕೊರ್ತೆರ್ ಪಂದ್ ಕೆಲವೆರ್ ಪನ್ಪೆರ್.ಜುಮಾದಿ, ಉಲ್ಲಾಯ, ದೇಬೆ, ಜಾರಂದಾಯ - ಕಾರ್ನಾಡು ದರ್ಮಸಾನ
ದೇಬೆ ಪಂಡ ಕನ್ನಡೊಡುದೇವಿಪಂದ್ ಆಪುಂಡು. ಅಂಚ ದೇಬೆನ್ದೇವಿ,ಸತ್ಯದೇವತೆಪಂದ್ ದೇವ ಕಿರಿಯೆಟ್ ಮಂತ್ರ ಪನಂದೆ, ಅರೆನ್ ತುಳುನಾಡುದ ಬಾಕಿದ ಸತ್ಯೊಲೆನ ಲೆಕದೈವಆದೇ ನಮ ತೂವೊಡು.ಉಳ್ಳೇರಗುತ್ತು ಕುತ್ತಿಪುನ್ಕೆಬೊಕದರ್ಮಸಾನದ ಮಣ್ಣುಗ್ ಕಷ್ಟ ಕಾಲೊಡು ಕೈ ಮುಗ್ಯೆರೆ ಬೈದಿನ ಅವ್ ಏತೋ ಸಂಸಾರೊಗು ಬೊಲ್ಪುದ ಸಾದಿನ್ಅಪ್ಪೆಬೊಕದರ್ಮದೈವೊಲುತೋಜಾದ್ ಕೊರ್ತೆರ್.
Share this postಬರವು:
ಅಶ್ವಿನ್ ಪೂಜಾರಿ, ಉಳ್ಳೇರಗುತ್ತು
ಸಕಾಯ:ಗೋಪಾಲ ನಾಯಗೆರ್, ಮಾಗಂದಡಿಸಂದೀಪ್ ಪೂಜಾರಿ, ಬೀದಿ ಮನೆ, ದರ್ಮಸಾನಚರಣ್ ರಾಜ್ ಪಿ ಸಾಲಿಯಾನ್, ಉಳ್ಳೇರಗುತ್ತುನಿಶ್ಚಿತ್ ಡಿ ಕೋಟ್ಯಾನ್, ಗುರುಕೃಪ, ಉಳ್ಳೇರಗುತ್ತುಚಂದ್ರಶೇಖರ್ ಕೆ- ಚಂದುನ ಬರವುಹರ್ಷಿತ್ ಸಾಲಿಯಾನ್, ಉಳ್ಳೇರಗುತ್ತುನವೀನ್ ಚಂದ್ರ ಬಂಗೇರ, ಬಂಗೇರ ನಿಲಯದಿವಾಕರ ಕೋಟ್ಯಾನ್, ಮಂಜಟ್ಟೆ