Ashwin Poojari, Ulleraguttu
ಅಶ್ವಿನ್ ಪೂಜಾರಿ, ಉಳ್ಳೇರಗುತ್ತು
Recent Posts:
- ಅಡ್ಡೂರ ದೇಬೆ, ಕುತ್ತಿಪುನ್ಕೆ ಉಳ್ಳೇರಗುತ್ತು - ಪಾರ್ದನ
- ತುಳುವೆರೆ ಮರಣಡು ಬೊಜ್ಜದ ಕ್ರಮ
- ದೀಪದೆಣ್ಣೆ
- ಬೈದ್ಯರು ಮತ್ತು ತುಳುನಾಡ ದೈವಗಳು
- ಕೋಟಿ ಚೆನ್ನಯರು ಮತ್ತು ಅವರ ಕುಟುಂಬ ದೈವಗಳ ವಿಷಯದಲ್ಲಿರುವ ಗೊಂದಲ
- ಎಣ್ಮೂರ ಕ್ರಮದಲ್ಲಿ ಆಗುತ್ತಿರುವ ಬೈದೇರುಗಳ ನೇಮ
ಅಡ್ಡೂರ ದೇಬೆ, ಕುತ್ತಿಪುನ್ಕೆ ಉಳ್ಳೇರಗುತ್ತು - ಪಾರ್ದನ
More details @ ಅಡ್ಡೂರ ದೇಬೆ - ಎಸಲ್ 1
ಕಾರ್ನಾಡು ಧರ್ಮಸ್ಥಾನದ ಮೂಲ ಪಾರ್ದನ
ಡೆನ್ನ ಡೆನ್ನನಾಯೆ.. ಯೆ.. ಡೆನನ ಡೆನ್ನಾನಡೆನ್ನ ಡೆನ್ನಾನ, ಡೆನ್ನಾ..ನ ಡೆನ್ನನಡೆನ್ನ, ಡೆನ್ನಡೆನ್ನಾಯೆ...ಪುನ್ಕೆದಡಿಲಾನೆ ಬರ್ಕೆಡುಲ,ಏಳ್ ಏಳರೆ ಪಿರಯದ ಮಗಳೆ ದೇಬೆ ಉಲ್ಲೋಲಾನೆಕಾರುದ ನೆೇಲಾನೆ ಕರ್ಕಡೋಡುಲ,ಕೆಬಿತಡೆ ಗುಂಡಲೊಡು ಉಲ್ಲೊಲು ದೇಬೆ ಪನ್ನಗಾನೆಮೂಕುದ ನೆೇಲಾನೆ ನಟ್ಟೆಡುಲ,ಕೆಕ್ಕಿದಲ ಕೀಲ ಬಂದಿಡೆ ದೇಬೆ ಉಲ್ಲೊಲಾನೆ,
ಕುತ್ತಿಪುನ್ಕೆಗೆಲ ಆನ ನಿಚ್ಚಯಗ್ ಬರ್ಪೆರುಲ,ಸಿದ್ದು ಕುಂದಾಯನೆ ನನ ತೂಯೆರಾನೆ,ಪುನ್ಕೆದಡಿಲಾನೆ ಬರ್ಕೆಗುಲ,ದೇಬೆನಲ ದಿಬ್ಬನ ಬರ್ಪುಂಡು ನನ ಪನ್ನಗನೆ,ಪುನ್ಕೆದಡಿಲಾನೆ ಬರ್ಕೆಡೆಲ ಉಲ್ಲೋಲುಲ ದೇಬೆಗೆಲ ನನ ಪನ್ಬೆರಾನೆ,ಸಿದ್ದು ಕುಂದಾಯನೆ ತೂಯೆರಾನೆಲ,ಆನ ನಿಚ್ಚಯ ಮಲ್ತುದುಲ ನನ ಪೋವೆರಾನೆ,ಆಜೆರೆಗೆಲಾನೆ ಒರುತಿ ತಂಗಡಿ ದೇಬೆಗೆಲ ಉಲ್ಲೋಲು ಪುನ್ಕೆದಡಿ ಬರ್ಕೆಡೆಗೆ,ಸಿದ್ದು ಕುಂದಾಯಗೆಲ ಬರ್ಪುಂಡುಲ,ಪುನ್ಕೆದಡಿಲ ಬರ್ಕೆಡೆಲ ನನ ಬರ್ಪುಂಡಾನೆ,ದಿಬ್ಬನಲಾನೆ ಬರ್ಪುಂಡುಲ,ಬತ್ತುದುಲ ದೊಂಪ ಪೊಗ್ಗೊಡು ನನ ಪನ್ನಗನೆ,ದಿಬ್ಬನೆರೆಡಾನೆ ಕೇನುವೆರುಲ,ದಾರೆ ದುಂಬಾಲ, ಒನಸ್ ದುಂಬಂದ್ ನನ ಕೇಂಡೆರಾಂಡೆ,ದಿಬ್ಬನೆರುಲಾನೆ ಪನ್ಪೆರುಲ,ದಾರೆ ದುಂಬುಲ, ಒನಸ್ ಬೊಕ್ಕಂದೆ ನನ ಪನ್ನಗನೆ,ಕಂಚಿ ತುಂಬಲಾನೆ ಪನವು ದೀಯೆರೆ,ಮುಂಡ ತುಂಬನೆ ದೇಸನೆ ಪಾಡುವೆರೆ ನನ ಪನ್ಬೆರಾನೆ,ದಾರೆಗೆಲಾನೆ ಆವೊಂಡುಲ,ದಾರೆರ್ದೆಲ ಲಕ್ಕಾದ್ ದೊಂಪನೆ ನನ ಜಪುಡಾದೆ,ಕೊರ್ಪೆರೆಲಾನೆ
ಕುತ್ತಿಪುನ್ಕೆೆಗಾನೆ ಕೈಕೊರುಡು, ಸಿದ್ದುಕುಂದಾಯಗೆ ದೇಬೆಲಾ ಬೈದೊಲು ಇಂದ್ ಪಂಡೆರನೆ.ಕೆಕ್ಕಿದಲನೆ ಕೀಲ ಬಂದಿಡೆ,ಸಿದ್ದು ಕುಂದಾಯಗು ಕೈ ಕೊರೊಂದು ನನ ಬೈದೊಲಾನೆ.ಆಜಿಗೆಲಾನೆ ತಗೆಡೊಲೆಗೆ, ಒರುತಿ ತಂಗಡಿ ದೇಬೆಲಾ ನನ ಉಲ್ಲೊಲಾನೆ,ಆತೆನೊಂಜಿಲಾನೆ ಸಮಯೊಡುಲ, ಏಳ್ ಏಳರೆ ಪಿರಯದ ಮಗಳೆ ದೇಬೆ ಉಲ್ಲೊಲಾನೆ.ಕೆಕ್ಕಿದಲನೆ ಕೀಲ ಬಂದಿಡೆ, ಏಳ್ ಏಳರೆ ಪಿರಯದ ಮಗಳೆ ದೇಬೆ ಬೈದೊಲಾನೆ.ಎಂಕಲೆನಾಲೆ ಮುದ್ದು ಮೋವಂದ ತಂಗಡಿಲ ಒರಿಯಲೆಕ್ಕ ಚಂದೊಲ ಬಾಮ ಇಜ್ಜೊಲಾನೆ.ಪೊರ್ಲು ತೂವೊಲಾನೆ ಪೊರ್ಲು ಇಜ್ಜೊಲು,ಒರಿಯಲೆಕ್ಕನೆ ಚಂದ ಬಾಮ ಪೊರ್ಲುಲ ಪೊಲ್ಯ ಇಜ್ಜೊಲಾನೆಪೊರ್ಲು ಪೋಲ್ಯಲಾನೆ ಇಜ್ಜೊಲಾನೆಲ,ದೇಬೆಗೆಲಾ ತರೆ ತೂವೊ ತರೆನೆ ದೇಬೆಗೆ ಇಜ್ಜಿಗೆಲೆಮೈಯಿ ತೂವೊಲಾನೆ ಮೈಯಿ ಇಜ್ಜಿಗೆ,ಪೊರುಲು ಪೋಲ್ಯಾನೆ ಚಂದ ಬಾಮಲ ನನ ಇಜ್ಜೊಲಾನೆ.ಆತೆನೊಂಜಿಲಾನೆ ಸಮಯೊಡುಲಾ, ಎಂಕಲೆನಲಮುದ್ದು ಮೋವಂದ ತಂಗಡಿ ದೇಬೆ ಪಂಡೆರನೆ,ಪೊರುಲು ಪೋಲ್ಯಲಾನೆ ಆಯಿನಂದುಡ,ಚಂದ ಬಾಮನೆ ಎಂಕಲೆನ ದೇಬೆಲ ನನ ಆಯೊಲುಡಯೆ,ಪೆರಿಯ ಬಜಪೆಗಾನೆ ಪತ್ತು ಬಿರೆಲ್ ಒಪ್ಪ ಪತ್ತುವೆರೆ,ಬಂಗಾರ ಬಾಲೆ ಬೊಳ್ಳಿದ ತೊಟ್ಟಿಲ್ ಪರಕೆ ಪನ್ಪೆರೆ.ಆತೆನೊಂಜಿಲಾನೆ ಸಮಯೊಡುಲಾ ದಿನೊಡುರುದ್ ದಿನಪೊರುಲು ಪೋಲ್ಯ ಚಂದನೆ ಬಾಮ ಆಯೊಲಾನೆ,ತರೆ ತೂವಲಾನೆ ತರೆ ಬತ್ತುಂಡು,ಮಿರೆ ತೂವಲಾನೆ ಮಿರೆ ಬತ್ತುಂಡು
ಮೈಯಿತ್ತ ಕಟ್ಟುಲ ಬತ್ತುಂಡು, ಕೈತ್ತಲ ಪೊಟ್ಟೆ ತೂನಗೆಲಕಣ್ಣುದ ನೆಲನೆ ದಿಟ್ಟಿ ಪೊಪುಂಡೆಓಯೆ ದೇಬೆಗೆ, ಓಯೆನೆ ದೇಬೆಗೆ ಇಂದೆ ಪಂಡೆರಾನೆ,ಐತ ಸಿಂಗಾರನೆ ಆಲ ದೇಬೆಗೆ, ಪರಕೆ ಕೊನೊದು ಪೆರಿಯ ಬಜಪೆಗೆ ನನ ಪೋವೊಡುಂದೆರೆ,ಬಂಗಾರ ಬಾಲೆಲಾನೆ ಬೊಳ್ಳಿದ ತೊಟ್ಟಿಲ್, ಪುಂಡಿ ಪನವು,ನಮಲಾ ಪತೊನುದು ನನ ಪೆರಿಯ ಬಜಪೆಗೆನೆಪರಕೆ ಕೊನೋದಾನೆ ಪೊಯಿ ದೇಬೆಗೆ,ಮೀದು ಜಲಕನೆ ಆವೊಂಡು ಇಂಡುದು ನನ ಪಂಡೆರಾನೆಆತೆನೊಂಜಿಲಾನೆ ಸಮಯೊಡುಲಾ,ಮೀದು ಜಲಕನೆ ಆಯೊಲು ದೇಬೆಗೆ ನನ ಪಂಡೆರಾನೆ.ಮದ್ಮಲೈತಲಾನೆ ಆಯೊಲಾನೆಲ,ಮುಂಡೊಗುಲಾ ಗಿಂಡಿ ಕುಂಕುಮ ನನ ಪಾಡ್ಯೊಲಾಗೆಲ,ಮುಂಡೊಗುಲಾನೆ ಗಿಂಡೆ ಕುಂಕುಮ,ಕಣ್ಣುಗುಲಾ ಕೊಲುಮೈಯಿ ಒಯಿತೊಲು ದೇಬೆ ಪನ್ನಗಾನೆ.ಸೊಂಟೊಗುಲಾನೆ ಪಟ್ಟಿ ದೀಯೊಲು,ಕೈಟ್ ಲಗೆ ಗೆಜ್ಜೆತ್ತಿ ಪತ್ತುವೊಲು ದೇಬೆ ಪನ್ನಗನೆ
ಬಂಗಾರ ಬಾಲೆಲಾನೆ, ಬೊಳ್ಳಿದ ತೊಟ್ಟಿಲ್, ಪಾಲೆ ಪಿಂಗಾರನೆಪುಂಡಿ ಪನವು ಪರಕೆ ಪತೊನುದು, ಪೆರಿಯಲ ಬಜಪೆಗೆ ಪೋಯೋಲಾನೆ.ದುಂಬುಡೆ ಪಿರವುಡೆ ತಗೆಡುಲು ನಡುಟು ದೇಬೆ ಪೋಪೆರಾನೆಪೊವೊಂದುಲನೆ ಕಿರೆ ತುಯ್ಯೆರೆಕಿರೆ ತೂದುಲಾನೆ, ಜತ್ತೊಲು ದೇಬೆಗೆ,ಮುಕ್ಕೋಲುಲ ನೆಗತುದು, ಮುಕ್ಕೊಲು ಮಿತ್ತ್ ಬತ್ತೊಲಾನೆ.ಪರಕೆ ಪತೊನುದು ಅಂಗಣ ಮಿತ್ತುಲ ನನ ಬತ್ತೊಲಾನೆಅಂಗಣಲಾನೆ ಜತ್ತೊಲುಲಉಲ್ಲಾಯಗೆಲಾನೆ ಮೂಜಿ ಸುತ್ತುಲ, ಬಲಿ ಬತ್ತೊಲು,ಓಯೆ ಉಲ್ಲಾಯ, ಓಯೆನೆ ಉಲ್ಲಾಯ ಪಂಡೊಲಾನೆ,ಪರಕೆ ದೆತೊನುಲೆ, ಗಂಧ ಪುರ್ಸದ ಕೊರೊಲೆ ಉಲ್ಲಾಯ,ಯೆಜ ಪೊಪುಂಡು, ಕಾಲನೆ ಕಡೆಸುಂಡು ಪಂಡೊಲಾನೆ.ಉಲ್ಲಾಯೆಲನೆ ದೇಬೆನಲ ಕೈತ ಪೊಟ್ಟೆದ ಪೊರುಲು ತೂದುಮಗ್ಗಿನ ಮರುಲು ಆಯೆರಾನೆ
ಓಯೆ ದೇಬೆಲಾದೆ, ಓಯೆ ದೇಬೆಗೆ,ಯಾನ್ ಬರುಪೆಗೆ, ನಿನ್ನ ಬೆರಿ ಪತೊನುದು ಯಾನ್ ಬರ್ಪೆ ಪಂಡೆರೆ.ಓಯೆ ಉಲ್ಲಾಯ..ಯೆ.. ಓಯೆ ಉಲ್ಲಾಯ..!ಜಾತಿಡು ಯಾನ್ ಬಿರುವೆದಿ ಪೊಣ್ಣುಲಾ ಇಂದೆ ಪಂಡೊಲಾನೆ,ಎನ್ನ ಬೆರಿಲ ಪತೊನುದು ಬರಡೆ ಉಲ್ಲಾಯ ಪನ್ನಗಾನೆಜಾತಿಗೆಲಾನೆ ಬೇದ ಇಜ್ಜಿಗೆ, ಮಾಟೋಗುಲ ದೋಷನೆ ಇಜ್ಜಿಗೆ ಇಂದೆ ಪಂಡೆರಾನೆಯಾನ್ ಗೆಲಾನೆ ಬರ್ಪೆಗೆಲ, ನಿನ್ನ ಬೆರಿಲ ಪತೊನುದುಯಾನುಲ ನನ ಬರ್ಪೆ ದೇಬೆಗೆ ಪಂಡೆರಾನೆಇರೆನಲಾನೆ ಮೀಸೆದಲ ಕೊಡಿ ತೂದುಲ ಯಾನೆ ಮಗ್ಗಿನ ಮರುಲು ನನ ಆಯೆ ಪಂಡೊಲೆ,ಅಪ್ಪೆ ಪಿರವುಡಾಂಡೆ ಬಾಲೆ ಬನ್ನಂಗೆ ಬಲ್ಲೆ ಉಲ್ಲಾಯಪಿಜಿನ ಪಿರವುಡೆ ದಾರೆಲ ಬನ್ನಂಗೆ ಬಲ್ಲೆ ಉಲ್ಲಾಯಆತೆನೊಂಜಿಲಾನೆ ಸಮಯೊಡುಲಾ,ಆಜಿ ಜನಲ ತಗೆಡುಲೆಗೆ ನನ ಪನುಬೆರಾನೆ,ಸಕನದಟ್ಟಿಲಾನೆ ಪಾರಾಯೆರುಲ,ತಗೆಡುಲೆನೆ ಮಾಯ ರೂಪ ಮಲ್ತೆರೆ ಉಲ್ಲಾಯೆ ಪನ್ನಗನೆ.ಬತ್ತ್ ಬತ್ತುದಾಂಡೆ ಉಲ್ಲಾಯೆನೆ.. ಯೆ..ಪೆರಿಯ ಬಜಪೆರ್ದೆ ಬತ್ತೆರಿಗೆಕೆಂಪು ಮಣ್ಣ ಕುಬೇರ ಗೋಳಿನೆ ತೂಯೆರಾನೆ,ಬತ್ತ್ ಬತ್ತಿದ್ ಕೆಂಪುಮಣ್ಣ ಕುಬೇರ ಗೋಳಿಡೆ ಉಲ್ಲಾಯೆಲ,ಒಡ್ಡು ಪಾದುರಾನೆ ಓಲಗ ಆಯೆರೆ
ಕುತ್ತಿಪುನ್ಕೆಗಾದೆ ಉಲ್ಲಾಯೆಲ,ಸೇನಾಯಿ ಕಿರೆಟೆ ದೇಬೆಲ ಉಲ್ಲೊಲು ನನ ಪನ್ನಗಾನೆ,ಆನೆ ಒಯ್ಪಲ್ಲ ಕಲ್ಲುಲ ನನ ಬರ್ಪುಂಡಾನೆಈಯಿಗೆಲಾನೆ ಐಟ್ ಗೆಲ ಓಲಗನೆಆಲ ದೇಬೆ ಇಂಡುದು ಉಲ್ಲಾಯೆ ಪಂಡೆರಾನೆದೇಬೆಗೆಲಾನೆ ಸೇನಾಯಿ ಕಿರೆಟೆ,ಉಲ್ಲಾಕಲ್ಲುಡೆ ದೇಬೆಲ ಕುಲ್ದೊಲು ನನ ಪನ್ಪೆರಾಂಡೆ,ಒಡ್ಡು ಪಾಡುಲಾನೆ ಒಡ್ಡರಿ ಓಲಗ ಆತೊಲು, ಸೇನಾಯಿ ಕಿರೆಟೆ ದೇಬೆಗೆಲ ನನ ಉಲ್ಲೆರಾನೆ,
ಸೇನಾಯಿ ಕಿರೆನಾನೆ ತೂನಗಲ,ರಾಮ ಸಮುದುರ ತೂಯಿ ಚಂದಲ ನನ ಆವೊಂದುಂಡುಯೆಅವ್ ವುಗೆಲಾನೆ ಉಂತಿ ಬೊಲ್ಲೊಡೆ ಪೊವೊಂದುಲಗುಂಡಾಲ ಕಿರೆಟೆ ನನ ಆವೊಂದುಂಡುಯೆಗುಂಡಾಲ ನೆಲನೆ ತೂನಾಗಲರಾಮ ಸಮುದುರ ತೂಯಿ ಚಂದಲ ನನ ಆವೊಂದುಂಡುಯೆಉಲ್ಲಾಯೆಲನೆ ಸಕನದಟ್ಟಿ ಪಾರಾವೆರೆಗೆಉಂತಿ ಬೊಲ್ಲ ಮಾಯೊಲ ರೂಪ ಆವೊಂದುಂಡುಯೆಆತೆನೊಂಜಿಲಾನೆ ಸಮಯೊಡುಲಾ,ತಂಬಡ ಬೊಟ್ಟರೆ ನನ ಪನ್ನಗನೆಸೇನಾಯಿಕಿರೆಟಾನೆ ಆಪುಂಡುಲ ದಿಂಬು ತಂಬಡಅವ್ ವ ದಿಂಬು ತಂಬಡ ನನ ಕೊರಂಟುಲಬೊಟ್ಟುಡುಲಾನೆ ಆಪೊಡಾಂಡೆ
(ಪಾರ್ದನದ ಶಬ್ದೋಲು ತಿಕ್ಕಂದಿನ ಕತೆ - ದೇಬೆನ ಬೆರಿಯೆ ಉಲ್ಲಾಯೆ ಬೈದಿನ ತೂದು ಜುಮಾದಿ ಪಗರಿ ಬುಡ್ಪೆ, ಅವ್ ತಾಗುದ್ ಮರತ ಗೆಲ್ಲು ಪೊಲಿಯುಂಡು. ಉಲ್ಲಾಯೆ ಬುಡಿನ ಪಗರಿ ಕುತ್ತಿಪುನ್ಕೆದ ಮುದೆಲ್ಗ್ ಬೂರುಂಡು. ಜುಮಾದಿ ಸಾರಮಾನಿ ಬೂತೊಲು ಬೊಕ ಉಲ್ಲಾಯನ ನಡುಟು ಲಡಯಿ ಆಪುಂಡು. ಜುಮಾದಿ ಸೋಪುನುಲಾ ಇಜ್ಜಿ, ಉಲ್ಲಾಯೆ ಗೆಂದುನುಲಾ ಇಜ್ಜಿ. ಸೇನಯ ಕೆರೆಟ್ ನೆತ್ತೆರ್ದ ಕಡಲ್ ಪರಿಪುಂಡು. ಆ ಪೊರ್ತುಗು ತೆನ್ಕಾಯಿ ರಾಜ್ಯೋರ್ದು ಗೆಂದ ಗಿಡಿತ ಒರುಟು ರಾವೊಂದು ಬತ್ತಿನ ಜಾರಂದಾಯಗ್ ನೆತ್ತೆರ್ದ ಕಡಲ್ ತೋಜುಂಡು. ಸೇನಾಯಿ ಕೆರೆತಲ್ಪ ಜುಮಾದಿ ಬೊಕ ಉಲ್ಲಾಯನ ನಡುಟ್ ಸಂದಾನ ಮಲ್ಪರೆ ಜಾರಂದಾಯೆ ಪ್ರಯತ್ನ ಬರ್ಪೆ. ಆಂಡ ಮೊಕುಲು ಕೆನುಜೆರ್.)
More details @ ಅಡ್ಡೂರ ದೇಬೆ - ಎಸಲ್ 1
ಅಲ್ತುಗೆಲಾನೆ ಬತ್ತೆರಿಗೆ,ಪೊಣ್ಣ ಬೆರಿಲ ಪತೊನು ಬತ್ತಿನ ಉಲ್ಲಾಯಗ್ ಎಂಕುಲುಲ,ಜಾಗ್ ಕೊಲೊಲಾನೆ, ಕೊರಯೆಂದೆರೆ,ಎಂಕಲೆನಲ ದರ್ಮಾದಿ ಮಣ್ಣುಡು ಎಂಕುಲು ಜಾಗ್ ಕೊರಯ,ಬಾತ್ ಬಕ್ಕನೆ ಆಪುಂಡುಗೆ,ಪಂಚಾದಿಗೆಲ ಆವೊಂದು ಉಂಡುಗೆ ಇಂದೆ ಪನ್ನಗಾನೆ,
ಆತೆನೊಂಜಿಲಾನೆ ಸಮಯೊಡುಲಾ,ಉಂದು ದೂರುಲಾ ಒರುಂಬ ಮಾಗಣೆದ ಉಲ್ಲಾಲ್ದಿ ಕೈತಲೆ ಪೋವೊಡಾಂಡೆ,ನೆಕ್ಕು ತೀರ್ಪುಲಾ ಆರ್ ಕೊರೊಡು.ಎಂಕಲೆರ್ದುಲ ಸಾಧ್ಯನೆ ಆಪುಜಿ ಇಂದೆ ಪನ್ಬೆರಾನೆಅವ್ ಒಂಜಿಲಾನೆ ಸಮಯೊಡುಲಾಉಲ್ಲಾಲ್ದಿ ಕೈತಲೆ ಮೊಕುಲು ಪೋಪೆರೆ ಇಂದೆ ಪನ್ಬೆರಾನೆಜಾರಂದಾಯೆಲಾನೆ, ಜುಮಾದಿ,ಸಾರಮಾನಿ ಬೂತೊಲು ನನ ಪೋಯೆರಾನೆ.ಅವುಲುಗೆಲಾನೆ ಬಾತ್ ಬಕ್ಕನೆ ಆವೊಡುಗೆ,ಪಂಚಾತಿಗೆ ಆವೊಂದು ನನ ಉಂಡುಗಾನೆ,ಬಾದ್ ಬಕ್ಕನೆ ಏಳ್ ಇರುಲ್,ಎಡುಮನ ಪಗೆಲು ಆವೊಂದುಂಡಾನೆ
ಆತೆನೊಂಜಿಲಾನೆ ಸಮಯೊಡುಲಾ,ದಡಿ ಬೊಟುಲಾನೆ ದರ್ಶನ ಬರ್ಪೆರೆ ಉಲ್ಲಾಲ್ದಿ,ಕೋಪಲ ನನ ತೋಜುಂಡಾನೆ,ಅಪ್ಪಣೆಲ ಕೊರುಪೆರೆ ಮೊಕಲೆಗೆ ನನ ಪನ್ನಗಾನೆಆಂಡಲಲಾನೆ ಮೊಕುಲು ಕೇನುಜೆರ್,ಮೊಕುಲುಲ ಪಂಚಾತಿಗೆ ಮಲ್ತೊಂದೆ ನನ ಉಲ್ಲೆರಾನೆಎಂಕಲೆನಾಲಾನೆ ದರ್ಮಾದಿಲ ಸಾನೋಡುಲ,ಪೊಣ್ಣ ಬೆರಿ ಪತೊನುದು ಬತ್ತಿನ ಉಲ್ಲಾಯಗೆಲ,ಎಂಕುಲುಲಾನೆ ಜಾಗು ಕೊಲಡೆ,ಕೊರಯಗೆ ಇಂಡುದ್ ಪನ್ನಗ ಉಲ್ಲಾಲ್ದಿ ಕೇನುಜೆರುಯೆ,ದೂರೊರ್ದುಲಾನೆ ಬತ್ತಿ ಬಿನ್ನಗೆ,ಒಂಜಿ ಚೆಂಬುಲ ನೀರು ಕೊರೊಡು, ಒಂಜಿರೆ ನುಪ್ಪು ನಮ ಪಾಡೊಡೆಉಲ್ಲಾಲ್ದಿಲಾನೆ ಅಪ್ಪಣೆ ಕೊರ್ಪೆರೆಆಂಡಲಾಗೆ ಮೊಕುಲು ಕೆನುಜೆರಿಂದೆ ಪನ್ನಗನೆ,ಉಲ್ಲಾಯಗುಲಾನೆ ಯಾನ್ ಕೊರುಪೆ,ಜಾಗ್ ಗೆಲ ಯಾನ್ ಕೊರುಪೆ ಇಂಡುದು ನನ ಪನ್ನಗನೆ,ನಿಕುಲುಲಾನೆ ಉಂತುಲೆಗೆ, ಯಾನುಗೆಲಾ ಒಂಜಿ ಗಂಧದ ಗುಲಿಗೆ ಯಾನೆ ಪಾರಾವೆಂದೆರೆಅಲ್ತುರ್ ರ್ದಾನೆ ಒಂಜಿ ಮುದ್ದೆಲಾ ಗಂದದ ಗುಲಿಗೆ ಪಾರಾದೆ ಬುಡುತ್ತೆರೆ ಉಲ್ಲಾಲ್ದಿ ಪನ್ನಗಾನೆಆತೆನೊಂಜಿಲಾನೆ ಸಮಯೊಡುಲಾ,ಅಲ್ತುರ್ದೆ ಗಂಧದ ಗುಲಿಗೆ ನನ ಪಾರದೆರುಗೆ,ಕಾರ್ನಾಡಿಗೆ ದರ್ಮಾದಿಲ ಸಾನೊಡುಲ ದೇಬೆನ ಬಲತ್ತಲ ಬಾಗೊಡು ಕೇನೊಡಾಂಡೆಜುಮಾದಿಲಾನೆ ಬಲತ್ತ ಬಾಗೊಡುದೇಬೆನಲ ದತ್ತ ಬಾಗೊಡು ನನ ಬತ್ತು ಬೂರುಂಡೆ,ಅವ್ಲುಗೆಲಾನೆ ಉಲ್ಲಾಯಗೆಲ ಗುಂಡ ಮಾಡಲ ತೆರಿದ್ ಬತ್ತುಂಡೆ ಇಂದೆ ಪನ್ಬೆರಾನೆ
More details @ ಅಡ್ಡೂರ ದೇಬೆ - ಎಸಲ್ 1
Share this postಬರವು:
ಅಶ್ವಿನ್ ಪೂಜಾರಿ, ಉಳ್ಳೇರಗುತ್ತು
ಸಕಾಯ: >>ಚಂದ್ರಶೇಖರ್ ಕೆ- ಚಂದುನ ಬರವುಹರ್ಷಿತ್ ಸಾಲಿಯಾನ್, ಉಳ್ಳೇರಗುತ್ತುನಿಶ್ಚಿತ್ ಡಿ ಕೋಟ್ಯಾನ್, ಗುರುಕೃಪ, ಉಳ್ಳೇರಗುತ್ತುದಿವಾಕರ ಕೋಟ್ಯಾನ್, ಮಂಜಟ್ಟೆ